​អតីត​ប្រធានាធិបតី​លោក Donald Trump បាន​និយាយ​ចំអក​ឲ្យ​អភិបាលរដ្ឋ Florida លោក Ron DeSantis ដោយ​ហៅ​លោក​ថា​ដេ​សាំង​ទី​ម៉ូ​នៀ​ស និង​បាន​និយាយ​ចំអក​ពី​ចំនួន​អ្នកគាំទ្រ​របស់លោក​ក្នុង​ការស្ទង់មតិ​នៅតាម​វីដេអូ ដែល​បានដាក់​ចូលទៅក្នុង​បណ្តាញ Truth Social កាលពី​ថ្ងៃ​ព្រហស្បតិ៍​។ លោក​ត្រាំ បាន​និយាយថា ការដោះស្រាយ​ជម្លោះ​ផ្លូវច្បាប់​របស់លោក DeSantis ជាមួយ​ក្រុមហ៊ុន​ប្រព័ន្ធ​ផ្សព្វផ្សាយ Disney ថា​មាន​ភាព​រញ៉េរញ៉ៃ ហើយ​បញ្ហា​នោះ​លោក​មានបំណង​បង្ហាញ​ព័ត៌មាន​មិន​ពិត​ថា​លោក​ជា​មនុស្ស​រឹង​រុស​បែបណា​។​

​អភិបាលរដ្ឋ Florida លោក Ron DeSantis បានធ្វើ​ឲ្យ​ច្របូកច្របល់​ក្នុងការ​តតាំង​ដ៏​ស្វិតស្វាញ​ជាមួយ​ក្រុមហ៊ុន Walt Disney Co ដែល​បានចាប់ផ្តើម​កាលពី​ឆ្នាំមុន នៅពេលដែល​ក្រុមហ៊ុន​ប្រព័ន្ធ​ផ្សព្វផ្សាយ​មួយ​នេះ បាន​រិះគន់​សេចក្តីស្នើច្បាប់​រដ្ឋ លើ​ការកំណត់​អត្តសញ្ញាណ​ភេទ និង​បាន​ផ្សព្វផ្សាយ​ចំពោះ​ការគ្រប់គ្រង​សេវា​ទីក្រុង នៅ​សួនច្បារ​នានា​របស់ខ្លួន​។ យុទ្ធនាការ​ប្រធានាធិបតី​ដែល​គ្មាន​បទពិសោធ​របស់លោក DeSantis កំពុង​បោះជំហាន​ឆ្ពោះទៅមុខ​កាលពី​ថ្ងៃ​ព្រហស្បតិ៍ បន្ទាប់ពី​ចាប់ផ្តើម​តាម​ប្រព័ន្ធ​អន​ឡាញ​ដ៏​ស្មុគស្មាញ នូវ​ព្រិ​ត្តិ​ការណ៍​ដែល​បានធ្វើ​ឲ្យ​មានការ​ចំអក​ពី​គូប្រជែង​របស់លោក និង​មន្ទិលសង្ស័យ​ជាថ្មី​អំពី​សមត្ថភាព​របស់លោក ជា​បេក្ខជន​របស់​ប្រទេស​នេះ​។

​អ្នករៀបចំ​យុទ្ធនាការ​របស់លោក​បាន​និយាយថា អភិបាលរដ្ឋ Florida នឹង​ថ្លែង​សុន្ទរកថា និង ចាប់ផ្តើម​ការជជែក​ផ្សេងៗ​នៅក្នុង​រយៈពេល​៤​ថ្ងៃ នៅ​ទូទាំង​ទីក្រុង​និង​ក្រុង​ចំនួន​១២ ចាប់ពី​ថ្ងៃទី​៣០ ខែ ឧសភា ដល់​ថ្ងៃទី​២ ខែមិថុនា​៕