ក្រុមបុគ្គលិកតុលាការ និងវេជ្ជសាស្ត្ររបស់ប្រទេសអេស្ប៉ាញ បាននាំគ្នាធ្វើកូដកម្មកាលពីថ្ងៃព្រហស្បតិ៍ នៅក្នុងរដ្ឋធានីម៉ាឌ្រីត (Madrid) ទាមទារដំឡើងប្រាក់បៀវត្សរ៍ និងប្រឆាំងការកើនឡើងតម្លៃទំនិញដែលប៉ះពាល់ដល់ជីវភាពប្រចាំថ្ងៃរបស់ប្រជាពលរដ្ឋ។
យោងតាមស្ថិតិពីសហជីព មនុស្សសរុបចន្លោះពី១៥.០០០នាក់ ទៅ២០.០០០នាក់ មកពីទូទាំងប្រទេសបានចូលរូមក្នុងក្បួនកូដកម្មនេះ ។
ចាប់តាំងពីថ្ងៃទី១៧ខែមេសា មក បុគ្គលិកតុលាការភាគច្រើនបានចូលរួមក្នុងកូដកម្មជាបន្តបន្ទាប់រួចទៅហើយនៅក្នុងប្រទេសអេស្ប៉ាញ ។ ដោយសារតែមិនអាចរកចំណុចប្រសព្វគ្នាបានជាមួយរដ្ឋាភិបាលអេស្ប៉ាញ ក្បួនកូដកម្មដ៏ពិតប្រាកដមួយបានលេចជារូបរាងឡើង។ ការតវ៉ាទ្រង់ទ្រាយធំជាបន្តបន្ទាប់បានផ្ទុះឡើង នៅក្នុងតំបន់ជាច្រើនទូទាំងប្រទេសនេះ ហើយកូដកម្មទូទាំងប្រទេសថ្មីមួយ បានចាប់ផ្ដើមផ្ទុះឡើងកាលពីថ្ងៃទី២៥ខែឧសភា ស្របពេលអតិផរណាដែលចេះតែកើនឡើង។
ក្រុមសហជីព បានបញ្ជាក់ថា អំឡុងការធ្វើកូដកម្មរយៈពេលជាច្រើនខែ ប្រព័ន្ធតុលាការនៅក្នុងប្រទេសអេស្ប៉ាញស្ទើរតែដួលរលំ។ ការជំនុំជម្រះក្ដីជាង ៦០ម៉ឺនករណី និងនិតិវិធីតុលាការជាង៤០ លានករណី ត្រូវបានផ្អាក ដោយសារការតវ៉ាដែល ត្រូវបានហៅឲ្យចូលរួមដោយក្រុមមន្ត្រីតុលាការទូទាំងប្រទេសប្រមាណ៤៥.០០០នាក់៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
