រុស្ស៊ី ៖ ការវាយប្រហារដោយមីស៊ីលរបស់រុស្ស៊ី ទៅលើគ្លីនីកមួយកន្លែងនៅទីក្រុង Dnipro ប្រទេសអ៊ុយក្រែន ភាគខាងកើត កាលពីថ្ងៃសុក្រ បណ្តាលឲ្យមនុស្ស២នាក់ស្លាប់ និងរងរបួស៣០នាក់។ វីដេអូបានបង្ហាញអគារដែលត្រូវបានបំផ្លាញ ដោយមានផ្សែងខ្មៅហុយចេញពីអគារ ហើយក្រុមបុគ្គលិកសង្គ្រោះ​កំពុងសំឡឹងរកជនរងគ្រោះ។

ទីក្រុងមូស្គូបានច្រានចោលការចោទប្រកាន់ដែលថា ទាហានរបស់ខ្លួនបានប្រព្រឹត្តឧក្រិដ្ឋកម្មសង្គ្រាម និងបានបដិសេធការដាក់គោលដៅលើជនស៊ីវិលដោយចេតនា ទោះបីជាខ្លួនបានទម្លាក់គ្រាប់បែកលើទីក្រុងនានា នៅទូទាំងប្រទេសអ៊ុយក្រែនចាប់តាំងពីការវាយលុករយៈពេល១៥ខែមកនេះក៏ដោយ។ បន្ទាប់ពីកងកម្លាំងអ៊ុយក្រែន បានវាយរុញច្រានការប្រយុទ្ធយ៉ាងខ្លាំងដំបូងរបស់រុស្ស៊ីនៅខ្សែសមរភូមិមុខ ដែលបានផ្លាស់ប្តូរតិចតួច​ចាប់តាំងពីរដូវស្លឹកឈើជ្រុះកន្លងទៅនេះ។ ការវាយលុកនៅនិទាឃារដូវរបស់អ៊ុយក្រែនដែលពុំបានរំពឹងទុកជាមុនខ្ពស់នោះ ពុំទាន់បានលេញចេញជារូបរាង​នៅឡើយ​ ទោះបីជាមានលំហូរសព្វាវុធផ្គត់ផ្តង់ដោយសម្ព័ន្ធយោធាណាតូក៏ដោយ។ នៅក្នុងកិច្ចប្រជុំរបស់សម្ព័ន្ធមិត្តសហភាពអឺរ៉ុបកាលពីថ្ងៃសុក្រ អធិការបតីអាល្លឺម៉ង់លោក Olaf Scholz បាននិយាយថា រុស្ស៊ីត្រូវតែបរាជ័យ​វាពិតជាច្បាស់លាស់ថា វាពុំអាចបញ្ឈប់ជម្លោះបាននោះទេ។ ដូច្នេះប្រសិនបើរុស្សីគ្រាន់តែគិតថាខ្លួនអាចទទួលជោគជ័យដោយការប្លន់យកទឹកដីរបស់អ៊ុយក្រែន វានឹងពុំជោគជ័យ​នោះទេជាមួយគំនិត និងការប៉ុនប៉ងនេះ។ ហើយនេះគឺជាមូលហេតុដែលយើងកំពុងផ្គត់ផ្គង់ទៅឲ្យអ៊ុយក្រែនដរាបណាវានៅតែការចាំបាច់។ រុស្សីត្រូវតែដកកងទ័ពចេញ នេះហើយជាមូលដ្ឋានសម្រាប់សន្តិភាព។ នៅក្នុងទីក្រុងគីវ សមាជិកព្រឹទ្ធសភាគណបក្សសាធារណៈរដ្ឋលោក Lindsey Graham បានអង្គុយពិភាក្សាជាមួយមេដឹកនាំ អ៊ុយក្រែនកាលពីថ្ងៃសុក្រ និងបានសន្យាការជួយគាំទ្ររបស់អាមេរិកសម្រាប់ប្រទេសរបស់លោក។