អុីស្រាអែល ៖ យោធាប្រទេសអ៊ីស្រាអែលនិយាយថា អ្នកតាំងលំនៅអ៊ីស្រាអែលប្រដាប់អាវុធម្នាក់ ដែលបានបាញ់​សម្លាប់​បុរសប៉ាឡេស្ទីន ដែលខ្លួនបាននិយាយថាបានព្យាយាមការវាយប្រហារចាក់ដោយកាំបិតកាលពីថ្ងៃសុក្រ នៅកន្លែងតាំងលំនៅ ក្នុងតំបន់ West Bank ដែលត្រូវបានគ្រប់គ្រង។ 

យោធានិយាយថា បុរសដែលគេមិនស្គាល់អត្តសញ្ញាណម្នាក់ បានលបចូលតំបន់ដែលមានច្រកទ្វារ នៅក្នុងតំបន់ West Bank នៅជិតទីក្រុង Hebron ហើយបានព្យាយាមចាក់ពលរដ្ឋម្នាក់មុនពេលត្រូវបានរារាំង។ យោធានិយាយថា ពុំមានពលរដ្ឋអ៊ីស្រាអែលណាម្នាក់ស្លាប់ឬរងរបួសនោះទេ ហើយទាហានកំពុងឆែកឆរនៅតំបន់នោះ។

ក្រសួងសុខាភិបាលប៉ាឡេស្ទីន និយាយថាក្រសួងត្រូវបានប្រាប់ដោយអង្គភាពដែល​សម្របសម្រួលកិច្ចការ​ជនស៊ីវិលជាមួយអ៊ីស្រាអែល ចំពោះបុរសជនជាតិប៉ាឡេស្ទីនដែលត្រូវបានបាញ់សម្លាប់ដោយការចូល​កាន់កាប់នៅខាងត្បូងទីក្រុង Hebron។

ប្រព័ន្ធផ្សព្វផ្សាយក្នុងតំបន់ បាននិយាយថា ឧបត្តិហេតុនេះ បានកើតឡើងខណៈពលរដ្ឋនៅក្នុងតំបន់តាំងលំនៅ នៅក្រុង Teneh Omarim កំពុងប្រមូលផ្តុំគ្នាដើម្បីបួងសួងសម្រាប់ពិធីបុណ្យ Shavuot ជនជាតិជ្វីហ្វ។

យោធាអ៊ីស្រាអែល បានប្រកាសអាសន្នដល់អ្នកតាំងលំនៅ នៅទីនោះឲ្យនៅខាងក្នុងនិងចាក់សោទ្វាររបស់ពួកគេ មុនម៉ោង១០ព្រឹកម៉ោងក្នុងតំបន់ក្នុងសារដែលបានបញ្ជូនតាមរយៈកម្មវិធី App របស់ខ្លួន។