គ្លីនិកចល័តរបស់វេជ្ជបណ្ឌិត អូឡេក ម៉ាឆិនកូ គឺជាខ្សែជីវិតសំរាប់ជនជាតិអ៊ុយក្រែន ស្ថិតនៅក្នុងភូមិនានា នៅភាគខាងកើត នៅពេលដែលរុស្ស៊ីបានចូលទៅដល់។

នៅសប្ដាហ៍នេះ រូបលោកនិងក្រុមស្ម័គ្រចិត្ដរបស់លោក បានមើលឃើញអ្នកជំងឺជាច្រើននាក់ នៅក្នុងភូមិវីសនេវ៉ា(Vyshneva)ដែលធ្លាប់ត្រូវបានចូលឈ្លានពាន ស្ថិតនៅមិនឆ្ងាយពីតំបន់ខាគីវ។

ការវាយប្រហារបស់រុស្ស៊ីបានបំផ្លាញមន្ទីពេទ្យ និងគ្លីនិកអស់មួយចំនួនធំ ហើយប្រជាជនជាច្រើនមិន​មានវេជ្ជបណ្ឌិតនៅតាមមូលដ្ឋានរបស់ពួកគេទេ។

បុរសម្នាក់ឈ្មោះ វ៉្លាឌីមៀ ឃើសនៀ(Vladimir Kushnir) បានបង្ហាញពីផលប៉ះពាល់ពីជាតិវិទ្យុសកម្ម​នៅរោងចក្រឆេណូប៊ីលក្នុងឆ្នាំ១៩៨៦ នៅពេលដែលលោកបានជួយពន្លត់ភ្លើងបន្ទាប់ពីមាន​ឧប្បត្ដិហេតុ​ផ្ទុះរោងចក្រថាមពលនុយក្លេអ៊ែរ ដ៏អាក្រក់បំផុតក្នុងពិភពលោកមក។

ការចូលកាន់កាប់របស់រុស្ស៊ីកាលពីឆ្នាំមុន បានធ្វើអោយលោកខកខានមិនបាពិនិត្យជម្ងឺមហារីកបំពង់​អាហារប្រចាំឆ្នាំរបស់លោកទេ។ហើយថ្នាំរបស់លោកក៏ឆាប់អស់ទៀត ។

លោកនិយាយថា ប្រហែលជាមានតែវេជ្ជបណ្ឌិតរុស្ស៊ីទេមើលទៅ ប៉ុន្ដែលោកមិនបានព្យាយាមជួបពួកគេឡើយ។

យោងតាមអ្នកស្រី តេធៀនណា ឆេរេតនីឆេនកូ បានអោយដឹងថា ក្នុងភូមិវីសនេវ៉ា ជនជាតិរុស្ស៊ី​បានចែកថ្នាំទៅអោយពលរដ្ឋណាដែលស្វាគមន៍ពួកគេប៉ុណ្ណោះ។ អ្នកស្រីនិយាយថា ក្នុងចំណោម​ពួកគេទាំងនោះ ក៏មានគិលានុបដ្ឋាយិកាដែរ ហើយលោកស្រីបានសុំថ្នាំពួកគេដើម្បី​ឲ្យចៅស្រី​ដែលពិការ។

លោកស្រីនិយាយថា លោកស្រីធ្លាប់សុំថ្នាំពីមេបញ្ជាការទ័ពរុស្ស៊ី ហើយគេមិនអោយ​លោកស្រីឡើយ។ ក្រសួងការពារជាតិរុស្ស៊ី បានបដិសេធន៍មិនឆ្លើយតបភ្លាមៗទេទៅនឹង​ការស្នើសុំការធ្វើអត្ថាធប្បាយ។អត្ថបទ មករា