អ្នកកាទូតអ៊ីរ៉ង់ម្នាក់ ដែលបានជាប់ពន្ធនាគារនៅក្នុងប្រទេសប៊ែលហ្ស៉ិក ពីបទពាក់ព័ន្ធនឹងការរៀប​គម្រោងបំផ្ទុះគ្រាប់បែកមិនបានសំរេច ហើយនិងបុគ្គលិកផ្នែកជំនួយជនជាតិប៊ែលហ្ស៊ិកម្នាក់ ដែលជាប់ពន្ធនាគារពីបទធ្វើចារកម្មនោះ ត្រូវបានគេដោះលែង កាលពីថ្ងៃសុក្រ នៅក្នុងការដោះដូរអ្នកទោសមួយដែលសម្របសម្រួលដោយប្រទេសអូម៉ង់។

អ្នកកាទូតអ៊ីរ៉ង់ឈ្មោះ អាសាដូឡាស់ អាសាឌី ត្រូវបានគេចាប់ខ្លួនក្នុងប្រទេសប៊ែលហ្ស៊ិក​ក្នុង​ឆ្នាំ២០២១ ពីបទរៀបគម្រោងដាក់គ្រាប់បែកមួយនៅក្នុងប្រទេសបារាំង ហើយត្រូវបានគេកាត់ទោស​អោយជាប់ពន្ធនាគារ២០ឆ្នាំ។

ចំណែកបុគ្គលិកផ្ដល់ជំនួយឈ្មោះ អូលីវីយ៉ែរ វ៉ាន់ដេខាស្ទីល(Olivier Vandecasteele) អាយុ៤២ឆ្នាំ ត្រូវបានឃាត់ខ្លួននៅក្នុងដំណើរទស្សនកិច្ចទៅកាន់ប្រទេសអ៊ីរ៉ង់កាលពីខែកុម្ភៈឆ្នាំ២០២២ ហើយត្រូវបានគេកាត់ទោសកាលពីខែមករាឲ្យជាប់ពន្ធនាគាររយៈពេល៤០ឆ្នាំ ពីបទចារកម្ម។

រដ្ឋាភិបាលប៊ែលហ្ស៊ិក និយាយថា គេមានហេតុផលមួយជឿថា អ៊ីរ៉ង់មានផែនការ បង្កើនការដាក់​ទោស​ថែមទៀតជនជាតិរបស់ខ្លួន។

ចំណែកទូរទស្សន៍រដ្ឋអ៊ីរ៉ង់វិញ បានរាយការថា លោក អាសាឌី បានត្រឡប់ទៅក្រុងតេអេរ៉ង់ ហើយបានបង្ហាញពីរូបលោកកំពុងអង្គុយជាមួយក្រុមមន្រ្ដី ក្នុងនោះរួមមានអ្នកនាំពាក្យរដ្ឋាភិបាល លោក អាលី បាហាដូរី ចារ៉ូមីផងដែរ(Ali Bahadori Jaharomi)។អត្ថបទ មករា