ក្រសួងការពារជាតិរុស្ស៊ី បាននិយាយកាលពីថ្ងៃសៅរ៍ថា កងតទ័ពរុស្ស៊ី បានបាញ់ស្កាត់ចាប់មីស៊ីល​ស្រមោលព្យុះរយៈចម្ងាយឆ្ងាយចំនួន២ដើម ដែលផ្គត់ផ្គង់​ដោយប្រទេសអង់គ្លេស បានដោយជោគជ័យ។

ក្រសួងការពារជាតិថែមទាំង បាននិយាយថា ខ្លួនបាញ់ស្ទាក់ចាប់មីស៊ីលរយៈចម្ងាយខ្លីបាញ់លើជើង​ទម្រ​ហ៊ីម៉ាស់ (HIMARS) និងហាម (HARM) ផលិតដោយសហរដ្ឋអាមេរិក និងយានដ្រូន១២គ្រឿង​ផងដែរ នៅក្នុងរយៈពេល២៤ម៉ោងកន្លងទៅ។

រុស្ស៊ីមិនបានបញ្ជាក់ច្បាស់ទេពី​កន្លែងដែលបាញ់ស្ទាក់ចាប់ ប៉ុន្ដែគ្រាន់តែបានប្រកាសនៅក្នុងសេចក្ដី​ប្រកាស​សង្ខេបរបស់ក្រសួងការពារជាតិរបស់ខ្លួនប្រចាំថ្ងៃប៉ុណ្ណោះ ​ពោលគឺបានផ្ដល់នូវបច្ចុប្បន្នភាព​ពីប្រតិបត្ដិការយោធារបស់ខ្លួននៅក្នុងប្រទេសអ៊ុយក្រែន។

អ្នកយកព័ត៌មានReuters មិនអាចធ្វើការ​ផ្ទៀងផ្ទាត់​បានភ្លាមៗទេពីសេចក្ដីរាយការនៅក្នុងសមរភូមិ។

ក្រសួងការពារជាតិអ៊ុយក្រែន មិនបានឆ្លើយតបភ្លាមៗទេទៅនឹងសំណើសុំធ្វើអត្ថាធិប្បាយ។ មន្រ្ដីក្រុងគីវ ​បាននិយាយ កា​លពីពេលមុននេះថា អាវុធដែលផ្គត់ផ្គង់ដោយលោកខាងលិច នឹង​ត្រូវបាន​យកទៅប្រើប្រាស់ដាច់ដោយឡែក សម្រាប់តែប្រឆាំង នឹងកងទ័ពរុស្ស៊ី នៅក្នុងប្រទេស​អ៊ុយក្រែន។

សេចក្ដីរាយការណ៍ ឲ្យដឹងថា ការវាយប្រហារបស់យានដ្រូនជាច្រើនគ្រឿងត្រូវគេថតបាន ថា បានចូល​ជ្រៅទៅក្នុងទឹកដី​របស់រុស្ស៊ី​កាលពីថ្ងៃសៅរ៍ ដោយត្រូវបំពង់បង្ហូរប្រេង។

ប្រទេសរុស្ស៊ី បានស្ដីបន្ទោសការវាយប្រហានេះ ទៅលើក្រុងគីវ​ ទោះបីជាយ៉ាងណាក៏ដោយ អ៊ុយក្រែន មិនបានទទួលស្គាល់ជាសាធារណៈទេ​ពីការវាយប្រហាប្រឆាំង​នឹងគោលដៅជាច្រើន​នៅក្នុងប្រទេសរុស្ស៊ីនោះ៕ អត្ថបទ មករា