នគបាលពិសេសរបស់ប្រទេសកូសូវ៉ូ បានការពារ អគារមន្រ្ដីរដ្ឋាភិបាលនៅក្រុង ហ្សេវេខាន(Zvecan) ភាគខាងជើងកាលពីថ្ងៃសៅរ៍បន្ទាប់ពីការប៉ះទង្គិចគ្នាបានផ្ទុះលើងរវាងនគបាល និងក្រុមតវ៉ានៅក្នុងក្រុងដែលមានជនជាតិស៊ែរប៊ីភាគច្រើនរស់នៅ កាលពីយប់ថ្ងៃសុក្រកន្លងទៅនេះ។

នគបាលបានបាញ់ឧស្ម័នបង្ហៀរទឹកភ្នែក ដើម្បីបំបែកហ្វូងមនុស្សដែលកំពុងព្យាយាមរារាំង​អភិបាល​ក្រុង​ដែលទើបជាប់ឆ្នោតថ្មីមិនឲ្យចូលទៅក្នុងការិយាល័យរបស់លោក​បន្ទាប់ពីការបោះឆ្នោត​កាលពីខែមេសា ដែលត្រូវបានធ្វើពហិការដោយក្រុមស៊ែរប៊ីកូសូវ៉ូភាគច្រើន នៅក្នុងទីក្រុងចំនួន៤ភាគខាងជើងជិតប្រទេសស៊ែរប៊ី។

ប្រទេសធានាធិបតីស៊ែរប៊ី លោក អាឡិកសិនឌើរ វូស៊ីក បានដាក់កងទ័ពឲ្យត្រៀមប្រយុទ្ធ ពេញបន្ទុក​និងបានបញ្ជាឲ្យអង្គភាពនានាត្រូវចល័តទៅជិតព្រព្រំដែន ជាប់នឹងប្រទេសកូសូវ៉ូ​បន្ទាប់ពីមានការប៉ះទង្គិចគ្នាមក។

សហរដ្ឋអាមេរិក និងសម្ព័នមិត្ដ បានបន្ទោសប្រទេសកូសូវ៉ូ ចំពោះការបង្កភាព​តានតឹង​ដោយចេតនា​ជាមួយប្រទេសស៊ែរប៊ី ដោយបាននិយាយថា ការប្រើប្រាស់កម្លាំងណាមួយ ដើម្បីលើកបន្ដុប​អភិបាលក្រុង នៅក្នុងតំបន់ដែលមានជនជាតិស៊ែរប៊ីភាគតិចរស់នៅច្រើននោះ វានឹងធ្វើឲ្យ​ខូចដល់​កិច្ចប្រឹងប្រែងនៅក្នុងការធ្វើឲ្យប្រសើរឡើងនូវទំនាក់ទំនងល្អជាមួយប្រទេសស៊ែរប៊ីជិតខាង។

ប្រទេសអង់គ្លេស បារាំង អ៊ីតាលី អាល្លឺម៉ង់ និងសហរដ្ឋអាមេរិក ​បានចេញសេចក្ដីថ្លែងការណ៍រួម ដោយអំពាវនាវឲ្យអាជ្ញាធកូសូវ៉ូ ដកថយ ​និងបន្ធូរស្ថានការណ៍​ឲ្យប្រសើរឡើងវិញ។

ជនជាតិអាល់បានីមានជាង៩០% នៅក្នុងចំណោមប្រជាជនទាំងមូលក្នុងប្រទេសកូសូវ៉ូ ហើយជនជាតិស៊ែរប៊ី​មានភាគច្រើនតែនៅតំបន់ភាគខាងជើងប៉ុណ្ណោះ៕ អត្ថបទ មករា