អង្គការទេសន្តរប្រវេសន៍អន្តរជាតិ ហៅកាត់ថា IOM បានបង្ហាញថា ចំនួនមនុស្សដែលមកដល់ប្រទេសអេត្យូពី ដែលភៀសខ្លួនពីជម្លោះប្រដាប់អាវុធក្នុងប្រទេសស៊ូដង់ បានកើនជាង ៣១.០០០នាក់ហើយ។

ទីភ្នាក់ងារអន្តោប្រវេសន៍របស់អង្គការសហប្រជាជាតិ នៅក្នុងការធ្វើបច្ចុប្បន្នភាព​ពី​ស្ថានភាព​ចុងក្រោយបំផុតរបស់ខ្លួនដែលបានចេញផ្សាយកាលពីថ្ងៃសុក្រ បាននិយាយថា ជម្លោះប្រដាប់អាវុធ​នៅក្នុងប្រទេសស៊ូដង់កំពុងបង្ខំឲ្យមនុស្សរាប់សែននាក់ភៀសខ្លួនទៅកាន់ប្រទេសជិតខាង។

អង្គការទេសន្តរប្រវេសន៍អន្តរជាតិបាននិយាយថា ចាប់តាំងពីថ្ងៃទី ទី២១ ខែមេសា មកមនុស្សជាង ៣១.០០០ នាក់បានមកដល់ប្រទេសអេត្យូពី តាមរយៈចំណុចឆ្លងកាត់ព្រំដែនជាច្រើននៅក្នុងតំបន់ Amhara Benishangul Gumz និង Gambella របស់ប្រទេសអាហ្វ្រិកខាងកើតមួយនេះ។

អង្គការនេះ បាននិយាយថា ការមកដល់នៅចំណុចឆ្លងកាត់ព្រំដែន កំពុងត្រូវបានត្រួតពិនិត្យ​ហើយ​ចំណុច​ត្រួតពិនិត្យលំហូរបន្ថែមកំពុងត្រូវបានបង្កើតឡើងតាមតម្រូវការដើម្បីបង្កើនចំនួនជំនួយ។

អង្គការនេះ បានសម្តែងការព្រួយបារម្ភថា ចំនួនដ៏ច្រើននៃការមកដល់ថ្មីៗ គឺជាបញ្ហាប្រឈម​ដ៏​សំខាន់សម្រាប់សមត្ថភាព និងល្បឿនដំណើរការ។

អង្គការដដែលនេះ បាននិយាយទៀតថា ​ការទទួលបានសេវាសង្គ្រោះជីវិតមិនគ្រប់គ្រាន់គឺចាំបាច់ ដែលរួមមានអាហារ របស់របរមិនមែនម្ហូបអាហារ​ សេវាថែទាំសុខភាព ក៏ដូចជាទឹកស្អាត សម្ភារៈធ្វើអនាម័យ និងការរក្សាអនាម័យក្នុងការរស់នៅរបស់ពួកគេ៕