ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ​នៃព្រះ​រា​ជាណាចក្រកម្ពុជា បានសព្វព្រះរាជ​ហឫទ័យយាងទៅព្រះរាជទស្សនកិច្ចផ្លូវរដ្ឋ នៅសាធារណរដ្ឋឥណ្ឌា រយៈពេល៣ថ្ងៃ ចាប់ពីថ្ងៃទី២៩ដល់ថ្ងៃ៣១ខែឧសភាឆ្នាំ២០២៣ ។ព្រះរាជដំណើរយាងដល់អាកាសយានដ្ឋានអន្តរជាតិភ្នំពេញ សម្តេចព្រះបរមនាថ នរោត្តម សីហមុនី វត្តមានជូនព្រះរាជដំណើរមានពីសំណាក់ដឹកនាំជាន់ខ្ពស់នៃស្ថាប័នជាតិ មានដូចជា សម្តេចវិបុល​សេនា​ភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា សម្តេចតេជោ ហ៊ុន សែន នាយករដ្ឋមន្ត្រីកម្ពុជា, សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងព្រះញាតិវង្ស និងមន្ត្រីរាជការជាច្រើនអង្គ/នាក់ទៀត។