ស៊ុបបង្កងយក្សជើង១៤ គឺជាមុខម្ហូបថ្មីនៅភោជនីយដ្ឋានលក់ស៊ុបមីក្នុងទីក្រុងតៃប៉ិ ហើយមានមនុស្សជាច្រើនតម្រង់ជួររង់ចាំទទួលទានស៊ុបគុយទាវ និងថតយករូបភាពមុខម្ហូបដ៏ប្លែក នោះផងដែរ។

ចាប់តាំងពីភោជនីយដ្ឋានលក់ស៊ុបមី 'The Ramen Boy' បានដាក់លក់ស៊ុបគុយទាវមានកំណត់កាលពីថ្ងៃទី ២២ ឧសភា នោះមក មានមនុស្សជាង ១០០នាក់ បានចុះ​ឈ្មោះក្នុង​បញ្ជីរង់​ចាំ ដើម្បីទទួលទានអាហារនៅភោជនីយដ្ឋាននេះ។

ភោជនីយដ្ឋាននេះ ចំហុយសត្វបង្កងសមុទ្រទឹកជ្រៅរយៈពេល ១០ នាទី មុនពេលដាក់វាទៅក្នុងចានស៊ុបមីជាមួយនឹងសាច់មាន់ ព្រមទាំងត្រីចំហុយ។ ស៊ុប​គុយទាវនោះ មាន​តម្លៃ​រហូត​ដល់ ១.៤៨០ ដុល្លារតៃវ៉ាន់ (៤៨ ដុល្លារ) ក្នុងមួយចាន។

ចាប់តាំងពីភោជនីយនោះបានចាប់ផ្តើមលក់ស៊ុបប្រភេទនោះមក បណ្ដាអ្នកស្រាវជ្រាវមួយចំនួន បានសម្តែងការព្រួយបារម្ភ​អំពីផលប៉ះពាល់អេកូឡូស៊ី ដ៏ធ្ងន់ធ្ងរនៃយុទ្ធសាស្ត្រ​នេសាទ​បាត​សមុទ្រ ក៏ដូចជាហានិភ័យសុខភាពដែលអាចកើតមានផងដែរ៕