ក្រុមអ្នកគាំទ្រលោកថាយីប អឺដូហ្គាន់ (Tayyip Erdogan) របស់ប្រទេសទួរគីរាប់ពាន់នាក់បានចាប់ផ្តើមប្រារព្ធពិធីនៅទីក្រុងអង់ការ៉ា និងអ៊ីស្តង់ប៊ុល ខណៈដែលលោកប្រធានាធិបតីហាក់ដូចជាបានឆ្ពោះទៅរកជ័យជម្នះនៅក្នុងការបោះឆ្នោតប្រធានាធិបតីកាលពីថ្ងៃអាទិត្យ (២៨ ឧសភា)។
ក្រុមអ្នកគាំទ្ររាប់រយនាក់បានចូលទៅក្នុងវិមានប្រធានាធិបតី នៅពេលដែលក្រុមអាជ្ញាធរបានបើកទ្វារភ្លាមៗ បន្ទាប់ពីក្រុមប្រឹក្សាបោះឆ្នោតជាន់ខ្ពស់របស់ប្រទេសទួរគី បាននិយាយថាលោក អឺដូហ្គាន់ ជាអ្នកនាំមុខក្នុងការបោះឆ្នោត។
ទង់ជាតិទួរគីដ៏ធំមួយត្រូវបានបង្ហូតឡើងនៅមុខអគារ ខណៈដែលក្រុមអ្នកគាំទ្រ ខ្លះកាន់ទង់ជាតិ ខ្លះទៀតកាន់ផ្ទាំងរូបថតរបស់លោក អឺដូហ្គាន់ បានប្រញាប់ប្រញាល់ចូលតាមច្រកទ្វារ។
លោក អឺដូហ្គាន់ ហាក់កំពុងឆ្ពោះទៅរកជ័យជម្នះ ដោយប្រធានក្រុមប្រឹក្សាការបោះឆ្នោតជាន់ខ្ពស់ បាននិយាយនៅក្នុងសន្និសីទសារព័ត៌មានថា លោកកំពុងនាំមុខគូប្រជែង លោក Kemal Kilicdaroglu ជាមួយនឹងសំឡេងគាំទ្រ ៥៤,៤៧% ជាមួយនឹងសន្លឹកឆ្នោតចំនួន ៥៤,៦% ដែលត្រូវបានរាប់ទុករួច។
ជ័យជម្នះនឹងពង្រីកមុខមាត់របស់លោក អឺដូហ្គាន់ អំពីអានុភាពមិនចេះចាញ់ បន្ទាប់ពីបានរៀបចំឡើងវិញរួចហើយនូវគោលនយោបាយក្នុងស្រុក សេដ្ឋកិច្ច សន្តិសុខ និងការបរទេសក្នុងប្រទេសសមាជិកអង្គការណាតូ ដែលមានប្រជាជន ៨៥លាននាក់មួយនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
