ខ្សែវីដេអូតាមប្រព័ន្ធផ្សព្វផ្សាយសង្គមបានបង្ហាញពីផ្សែងហុយយ៉ាងខ្មួលខ្មាញ់ចេញពីចំហេះព្រៃក្បែរនោះ នៅពាសពាញលើទីក្រុងហាលីហ្វាក ភាគខាងកើត នៃប្រទេសកាណាដា កាល​ពីថ្ងៃ​អាទិត្យ (២៨ ឧសភា)។

ប្រព័ន្ធផ្សព្វផ្សាយក្នុងស្រុកបានរាយការណ៍ថា រដ្ឋាភិបាលក្នុងតំបន់បានចេញសេចក្ដីប្រកាសអាសន្ន និងបញ្ជាជម្លៀសប្រជាជនជាច្រើនសម្រាប់តំបន់ដែលរងផលប៉ះពាល់។ យ៉ាង​ហោច​ណាស់​​លំនៅឋាន ១០ខ្នង ត្រូវបានឆាបឆេះដែលបណ្ដាលមកពីចំហេះព្រៃនោះ គិតត្រឹមល្ងាចថ្ងៃអាទិត្យ។

រដ្ឋាភិ​បាលទីក្រុងហាលីហ្វាក បាននិយាយថា ស្ថានភាពអាសន្ននឹងចូលជាធរមានសម្រាប់រយៈពេលប្រាំពីរថ្ងៃ លុះត្រាតែមានការលើកចេញ ឬពន្យារពេល។ មជ្ឈមណ្ឌល​​អប់រំប្រចាំ​តំបន់​ហាលី​ហ្វាក បានប្រកាសនៅលើគណនីបណ្ដាញសង្គម Twitter ផ្លូវការរបស់ខ្លួនថា សាលារៀននៅក្នុងតំបន់រងផលប៉ះពាល់នឹងត្រូវបិទនៅថ្ងៃច័ន្ទ (២៩ ឧសភា) នេះ។ មានការដាច់ចរន្តអគ្គិសនីជាច្រើនផងដែរ នៅក្នុងតំបន់ដែលរងផលប៉ះពាល់នោះ។ ចំហេះ​​ព្រៃនេះ បានកំពុងឆាប​ឆេះក្នុងតំបន់​ជាច្រើន​ក្នុង​ប្រទេស​កាណាដាអស់រយៈ​ពេលប៉ុន្មាន​សប្តាហ៍កន្លងមកនេះ៕