នៅថ្ងៃទី២៩ ខែឧសភា ឆ្នាំ១៩៥៣ លោក Edmund Hillary និងលោក Sherpa Tenzing Norgay បានក្លាយជាមនុស្សលើកដំបូងគេឡើងដល់កំពូលភ្នំ Everest ហើយនៅថ្ងៃចន្ទ ទី២៩ ខែឧសភា ឆ្នាំ ២០២៣នេះ គឺជាថ្ងៃខួបលើកទី៧០ នៃសមិទ្ធផលរបស់ពួកគេ។
នៅព្រឹកថ្ងៃទី២៩ ខែឧសភា ឆ្នាំ ១៩៥៣ លោក Hillary មកពីប្រទេសនូវែលហ្សេឡង់ ជាមួយនឹងបុរសជនជាតិនេប៉ាល់ Tenzing បានក្លាយជាមនុស្សលើកដំបូង ឡើងដល់កំពូលភ្នំ Everest។ ពួកគេទទួលបានការស្វាគមន៍ជាវិរបុរស ពេលពួកគេ ចុះពីលើកំពូលភ្នំវិញ។
កើតនៅទីក្រុង Auckland នៅថ្ងៃទី២០ ខែកក្កដា ឆ្នាំ១៩១៩ លោក Hillary បានរស់នៅជីវភាពពុំសូវចាប់អារម្មណ៍នោះទេ រហូតដល់រូបលោកសម្រេចបានជោគជ័យនៅលើភ្នំ Everest។
ធ្លាប់ជាអ្នកចិញ្ចឹមឃ្មុំនៅទីក្រុង Auckland លោក Hillary មានកម្ពស់ ១,៨៣ម៉ែត្រ ត្រូវបានជ្រើសរើសដោយមេដឹកនាំផ្សងព្រេងអង់គ្លេសលោក John Huntធ្វើដំណើរចុងក្រោយទៅកាន់កំពូលភ្នំ Everest ដោយសារតែបទពិសោធន៍ឡើងភ្នំរបស់លោកនៅភ្នំហិម៉ាឡៃ និងមានកម្លាំង និងថាមពលខ្លាំង។
ដោយឡែក លោក Sherpa Tenzing Norgay ត្រូវបានជ្រើសរើសឲ្យធ្វើជាដៃគូឡើងភ្នំរបស់គាត់។ នៅថ្ងៃទី១១ ខែមករា ឆ្នាំ២០០៨ លោក Hillary បានទទួលមរណភាពក្នុងវ័យ ៨៨ឆ្នាំ ដោយសារជំងឺខ្សោយបេះដូង នៅឯមន្ទីរពេទ្យក្រុង Auckland៕