​ប្រណាំង​រថយន្ត៖ ​ជើងឯក​ពិភពលោក F1 ៧សម័យ Lewis Hamilton បាន​សហការ​គ្នា​យ៉ាង​ល្អជា​មួយ​ក្រុម​ប្រណាំង Mercedes ក្នុង​ជ័យជំនះ​ការប្រកួត​នៅ​ទឹកដី​អេ​ស្ប៉ា​ញ Spanish Grand Prix​។ ​គូ​ប្រជែង​ដ៏​ស្វិតស្វាញ​ឆ្នាំនេះ​របស់ Hamilton គឺ Max Verstappen បាន​បន្ត​ដាក់​សំពាធ​លើ​កីឡាករ​អង់គ្លេស ​បន្ទាប់ពី​ចេញដំណើរ​បាន​យ៉ាង​ល្អ​ឡើង​វ៉ា Hamilton ដែល​ឈ្នះ Pole Position កាលពី​ថ្ងៃ​សៅរ៍​។

​​Red Bull បាន​ប្រើប្រាស់​យុទ្ធសាស្ត្រ​ចូល Pit-Stop តែមួយ​លើក​បាន​នាំមុខ​រហូត​ស្ទើ​ចប់​ការប្រកួត​ទៅហើយ ​ពោលគឺ ១៨ជុំ​ចុងក្រោយ Max Verstappen នាំមុខ ២៣វិនាទី តែ​លុះ ៦ជុំ​ចុងក្រោយយុទ្ធសាស្ត្រ​របស់​ក្រុម Mercedes ដែល​ផ្ទុយ​ពី Red Bull បានធ្វើអោយ Hamilton ដេញ​រហូត​តាម​ទាន់​និង​ជែង​នាំមុខ​វិញ​ ដើម្បី​យកឈ្នះ​ការប្រកួត​នេះ​។ ​នេះ​ជា​ជ័យជំនះ​លើក​ទី ៩៨ ក្នុង​អាជីព​របស់ Lewis Hamilton បន្ទាប់ពី​ឈ្នះ​ការប្រកួត​យក​ទី​ចេញដំណើរ Pole Position លើក​ទី ១០០ ក្នុង​អាជីព​កាលពី​ថ្ងៃ​សៅរ៍​។​

​​លេខ៣ ក្នុងការ​ប្រកួត​នេះ​គឺ​មិត្ត​រួម​ក្រុម Mercedes, Valtteri Bottas​ ខណៈ​លេខ៤ Charles LeClerc ​របស់ Ferrari​។​ ​Lewis Hamilton នៅពេលនេះ​កំពុង​នាំមុខ​ក្នុង​តារាង​ជើងឯក​ពិភព​លោក​នាំមុខ​លើ Max Verstappen ១៤ពិន្ទុ​។ ​ទីលាន​បន្ទាប់​គឺ​ទឹកដី Monaco នៅ​ថ្ងៃទី២៣ ខែឧសភា​ស​នេះ​៕

​អត្ថបទ​៖​នាង សុភា​វុ​ធ