កំពង់ចាម៖ នៅព្រឹកថ្ងៃទី៣០ ខែឧសភា ឆ្នាំ២០២៣ ព្រះអង្គម្ចាស់ នរោត្តម ចក្រាវុធ ព្រះប្រធាន​គណបក្សហ៊្វុនស៊ិនប៉ិច បានយាងចុះជួបសំណេះសំណាល សួរសុខទុក្ខសមាជិក សមាជិកា យុវជន យុវនារី និងប្រជារាស្រ្តអ្នកគាំទ្រជាង៥០០នាក់ នៅឃុំស្វាយទាប ស្រុកចំការលើ ខេត្តកំពង់ចាម។

មាន​បន្ទូល​នៅក្នុងពិធីជួបសំណេះសំណាល ព្រះអង្គម្ចាស់នរោត្តម ចក្រាវុធ ​ក៏បានប្រកាស ទទួល​ស្វាគមន៍បងប្អូន​មកពីគណបក្សផ្សេងៗ​មករួមរស់ជីវភាព​នយោបាយជាមួយគណបក្ស​រាជានិយម​ហ៊្វុនស៊ិនប៉ិច ក្រោមព្រះកិច្ចដឹកនាំរបស់ព្រះអង្គផ្ទាល់។

បន្ទាប់ពីកិច្ចសំណេះសំណាល​ចប់ព្រះអង្គបានយាងប្រទាន​នូវព្រះអំណោយ និងថវិការមួយចំនួន​ដល់​សមាជិកសមាជិកាទាំងអស់ដែលបាមចូលរួម ព្រមទាំង​ប្រទាន​នូវ​ការ​ថតរូប​អនុស្សាវរីយ៍​ក្រោម​បរិយាកាស​ស្និទ្ធស្នាល​ជាទីបំផុត៕