សាក្សីម្នាក់ បាននិយាយរៀបរាប់ពេលដែលមនុស្សជាច្រើននាក់រងការបាញ់ប្រហារនៅជិតតំបន់ឆ្នេរប្រឡាក់សុទ្ធតែឈាម បន្ទាប់ពីឧបទ្ទេវហេតុផ្ទុះអាវុធនៅរដ្ឋ Florida សហរដ្ឋអាមេរិក កាលពីថ្ងៃចន្ទ ។

សាក្សីម្នាក់ដែលសុំមិនបញ្ចេញអត្តសញ្ញាណ និយាយថា លោកបានឃើញមនុស្សរត់ និងស្រែក បន្ទាប់ពីការបាញ់ប្រហារ ។

លោកបាននិយាយនៅកន្លែងកើតហេតុថា លោកពិតជារន្ធត់ខ្លាំងណាស់ ។ លោកពុំធ្លាប់ដែលមើលឃើញហេតុការណ៍បែបនេះពីមុនមកនោះទេ ។ ខ្ញុំគឺជាជនជាតិកាណាដា ហើយខ្ញុំមិនធ្លាប់ឃើញរឿងបែបនេះទេ ។

លោកបន្តថា មនុស្ស ៤នាក់ បានត្រូវគ្រាប់កាំភ្លើងអំឡុង​ឧបទ្ទវហេតុ​នេះ ។ ខ្មាន់កាំភ្លើងគឺជាមនុស្សប្រុស ហើយតាមខ្ញុំគិត ពួកគេបានឈ្លោះគ្នា ហើយគាត់ក៏បានបាញ់ ៣គ្រាប់ ១គ្រាប់ត្រូវចំដើមទ្រូង និង១គ្រាប់ទៀត ត្រូវចំឆ្អឹងជំនី ។ មានឈាមហូរច្រើនណាស់ ។

យោងតាមការអះអាងរបស់ក្រុមអាជ្ញាធរ បានឲ្យដឹងថា ករណីបាញ់បោះសេរីនេះ បានកើតឡើងតាមផ្លូវដើរកម្សាន្ត Hollywood Oceanfront Boardwalk ហើយអ្នកនាំពាក្យនគរបាល អះអាងថា មនុស្ស ៩នាក់ បានរងរបួសក្នុងឧបទ្ទវហេតុមួយនេះ ៕