រយៈពេលប៉ុន្មានថ្ងៃក្រោយសង្គ្រាមផ្ទុះឡើងនៅទីក្រុង Khartoum អ្នកស្រីវេជ្ជបណ្ឌិត Abeer Abdullah បានប្រញាប់ប្រញាល់ចេញពីពីបន្ទប់មួយទៅកាន់បន្ទប់មួយទៀត ក្នុងមណ្ឌលកុមារកំព្រាធំបំផុតនៅប្រទេសស៊ូដង់ ដោយព្យាយាមថែទាំទារក និងក្មេងតូចៗរាប់រយនាក់ ពេលដែលសង្គ្រាមធ្វើឲ្យបុគ្គលិកស្ទើតែទៅអស់បានចាកចេញ ។
អ្នកស្រីនិយាយថា ក្មេងៗយំទ្រហឹងពេញអគារ ខណៈពេលដែលការផ្ទុះអាវុធបានអង្រួនតំបន់ជុំវិញមណ្ឌលកុមារកំព្រា ។
អ្នកស្រីវេជ្ជបណ្ឌិតរូបនេះ និយាយថា ក្រោយមករលកនៃការស្លាប់ទារក ក៏បានកើតឡើង ។ មាននូវទារកស្នាក់នៅអគារជាន់លើមណ្ឌលកុមារកំព្រា Mygoma ដែលគ្រប់គ្រងដោយរដ្ឋ ។ ដោយគ្មានបុគ្គលិកគ្រប់គ្រាន់មើលថែពួកគេ ពួកគេក៏បានស្លាប់ដោយសារតែកង្វះអាហារូបត្ថម្ភធ្ងន់ធ្ងរ និងការខ្វះខាតជាតិទឹក ។
អ្នកស្រីបន្តថា មាននូវទារកទើបសម្រាលដ៏ផុយស្រួយរួចទៅហើយនៅក្នុងមណ្ឌលសុខភាពរបស់គាត់ នៅអគារជាន់ក្រោមដី ពួកគេមួយចំនួន បានស្លាប់ ក្រោយកើតមានជំងឺគ្រុនក្តៅខ្លាំង ។
អ្នកស្រី Abdullah និយាយថា ទារកស្លាប់រាល់ថ្ងៃ មាន ២នាក់ ៣នាក់ ៤នាក់ និងមានចំនួនខ្ពស់ជាងនេះ ។ ក្មេងៗយ៉ាងហោច ៥០នាក់ និងទារកយ៉ាងហោច ២៤នាក់ បានស្លាប់នៅមណ្ឌលកុមារកំព្រា ក្នុងរយៈពេល ៦សប្តាហ៍ ចាប់តាំងពីសង្គ្រាមផ្ទុះឡើងកាលពីពាក់កណ្តាលខែមេសាកន្លងទៅ ក្នុងនោះរួមទាំងទារក ១៣នាក់ ដែលបានស្លាប់កាលពីថ្ងៃសុក្រផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
