យោធាកូរ៉េខាងត្បូង និយាយនៅថ្ងៃអង្គារនេះថា ពួកគេបានធ្វើការយ៉ាងដិតដល់ជាមួយក្រុមអាជ្ញាធរចារកម្មសហរដ្ឋអាមេរិក សម្រាប់លទ្ធភាពនៃសកម្មភាពបង្ករឿងបាញ់បង្ហោះផ្កាយរណបចារកម្មរបស់កូរ៉េខាងជើង ។
សារព័ត៌មានរដ្ឋកូរ៉េខាងជើង រាយការណ៍នៅថ្ងៃអង្គារនេះថា កូរ៉េខាងជើង នឹងបាញ់ផ្កាយរណបឈ្លបយកការណ៍យោធាលើកដំបូងរបស់ខ្លួននៅខែមិថុនាខាងមុខនេះ ដើម្បីតាមដានសកម្មភាពយោធាសហរដ្ឋអាមេរិក ។
លោក Han Sung-Keun គឺជាអ្នកនាំពាក្យនាយអគ្គលេនាធិការកងទ័ពចម្រុះកូរ៉េខាងត្បូង បាននិយាយក្នុងសន្និសីទសារព័ត៌មាននៅក្រសួងការពារជាតិថា ក្រុមអាជ្ញាធរចារកម្មកូរ៉េខាងត្បូង និងសហរដ្ឋអាមេរិក បានតាមដានយ៉ាងដិតដល់ រាល់សកម្មភាពពាក់ព័ន្ធដោយមានកិច្ចសហប្រតិបត្តិការជិតស្និត និងតាមដានរាល់លទ្ធភាពនៃសកម្មភាពបង្ករឿងបាញ់ផ្កាយរណបដូចបានអះអាងដោយកូរ៉េខាងជើង។
សេចក្តីថ្លែងការណ៍របស់សារព័ត៌មានរដ្ឋកូរ៉េខាងជើង ពុំបានបញ្ជាក់ឲ្យបានច្បាស់លាស់នោះទេកាលបរិច្ឆេទពិតប្រាកដនៃការបាញ់ផ្កាយរណប ប៉ុន្តែកូរ៉េខាងជើង បានជូនដំណឹងប្រទេសជប៉ុនពីផែនការបាញ់ផ្កាយរណបនៅចន្លោះថ្ងៃទី ៣១ ខែឧសភា និងថ្ងៃទី១១ ខែមិថុនា ជាហេតុធ្វើឲ្យទីក្រុងតូក្យូ ប្រុងជើងការប្រព័ន្ធមីស៊ីលបាលីស្ទិករបស់ខ្លួន៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
