​ប្រធានាធិបតី​វេ​ណេ​ហ្ស៊ុ​យ​អេ​ឡា លោក Nicolás Maduro បាន​ទៅ​បំពេញ​ទស្សនកិច្ច​នៅ​ប្រទេស​ប្រេ​ស៊ី​ល​ជា​លើកដំបូង ចាប់តាំងពី​លោក​ត្រូវបាន​ហាមឃាត់​ដោយ​អតីត​ប្រធានាធិបតី​ស្តាំនិយម​របស់​ប្រេ​ស៊ី​ល​លោក Jair Bolsonaro កាល​ឆ្នាំ ២០១៩​។​

​លោក Maduro ត្រូវ​បានទទួល​ស្វាគមន៍​ដោយ​ប្រធានាធិបតី​ឆ្វេងនិយម​របស់​ប្រេ​ស៊ី​ល​ថ្មី​គឺ​លោក Luiz Inacio Lula da Silva នៅមុន​កិច្ចប្រជុំ​កំពូល​នៃ​បណ្ដា​មេដឹកនាំ​អាមេរិក​ឡាទីន​ក្នុង​ទីក្រុង​ប្រា​ស៊ី​លី​យ៉ា ប្រទេស​ប្រេ​ស៊ី​ល ។​

​លោក Lula បាន​ប្រើ​ដំណើរ​ទស្សនកិច្ច​នេះ​ដើម្បី​រិះគន់​ការដាក់ទណ្ឌកម្ម​របស់​សហរដ្ឋអាមេរិក​លើ​វេ​ណេ​ហ្ស៊ុ​យ​អេ​ឡា​ដោយ​និយាយថា "​ការដាក់ទណ្ឌកម្ម​នោះ​ជាការ​ពិពណ៌នា​ស្តែង​ពី​លទ្ធិផ្តាច់ការ​" បានកើត​ឡើងលើ​ប្រទេស​វេ​ណេ​ហ្ស៊ុ​យ​អេ​ឡា ហើយ​ថា​ការដាក់ទណ្ឌកម្ម​មិន​សម​ហេតុផល​នោះទេ​។​

​ទោះបីជា​យ៉ាងណាក៏ដោយ វា​មិន​ច្បាស់ការ​ទេ​ថា​តើ​ការលើកឡើង​បែបនេះ​នឹងធ្វើ​ឱ្យមាន​ភាពខុសគ្នា​ពិតប្រាកដ​ចំពោះ​គោលនយោបាយ​របស់​រដ្ឋបាល​លោក Biden ដែល​បានដាក់​លើ​ប្រទេស​វេ​ណេ​ហ្ស៊ុ​យ​អេ​ឡា​ឬ​យ៉ាងណា​។​

​យុទ្ធនាការ​បង្ក្រាប​រប​ស់លោក Maduro លើ​ក្រុម​សកម្មជន​ប្រឆាំង​បាន​នាំឱ្យ​សហរដ្ឋអាមេរិក​ដាក់ទណ្ឌកម្ម​លើ​រដ្ឋាភិបាល​របស់លោក និង​ទទួលស្គាល់​មេដឹកនាំ​បក្សប្រឆាំង​លោក Juan Guaidó ជា​ប្រធានាធិបតី​បណ្តោះអាសន្ន​របស់​វេ​ណេ​ហ្ស៊ុ​យ​អេ​ឡា​កាល​ឆ្នាំ ២០១៩ បន្ទាប់ពី​ការបោះឆ្នោត​ដែលមាន​ការប្រកួតប្រជែង​ជាខ្លាំង​រួចមក​៕​