ក្រសួងការបរទេសលីប៊ី បានថ្កោលទោសការវាយប្រហារ និងការចូលលួចក្នុងស្ថានទូតរបស់ពួកគេ នៅរដ្ឋធានី Khartoum របស់ប្រទេសស៊ូដង់។ ពួកគេបាននិយាយនៅក្នុងសេចក្តីថ្លែងការណ៍ថា ការវាយប្រហារ និងការចូលលួចក្នុងអគារស្ថានទូតលីប៊ី នៅក្នុងរដ្ឋធានី Khartoum បានបំពានទាំងស្រុងលើអនុសញ្ញាក្រុងវីយែនស្តីពីទំនាក់ទំនងការទូតរវាងប្រទេសទាំង២។
ជាការបង្ហាញការសោកស្ដាយ និងការអាក់អន់ចិត្តយ៉ាងខ្លាំងចំពោះទង្វើបែបនេះ ក្រសួងការបរទេសលីប៊ី បានអំពាវនាវឲ្យភាគីបង្កសង្គ្រាមនៅក្នុងប្រទេសស៊ូដង់ បញ្ឈប់អំពើហិង្សា និងការធ្វើសង្គ្រាម ការពារបេសកកម្មការទូត ហើយនិងដោះស្រាយបញ្ហា និងការខ្វែងគំនិតគ្នារបស់ពួកគេ តាមរយៈកិច្ចពិភាក្សា និងមធ្យោបាយសន្តិវិធី។
គួរឲ្យដឹងថា កងទ័ពស៊ូដង់ និងកងកម្លាំងគាំទ្ររហ័ស RSF បានប៉ះទង្គិចគ្នាដោយអាវុធនៅក្នុងទីក្រុង Khartoum និងតំបន់ផ្សេងទៀត ចាប់តាំងពីថ្ងៃទី ១៥ ខែមេសារហូតមក។ ភាគីទាំង២ បានចោទប្រកាន់ដាក់គ្នាថាជាអ្នកផ្តើមជម្លោះ ហើយកាលពីថ្ងៃចន្ទកន្លងទៅ ពួកគេបានយល់ព្រមបន្តបទឈប់បាញ់រយៈពេល ៥ថ្ងៃបន្ថែមទៀត៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
