ធនាគារកណ្តាលរបស់ប្រទេសអូស្ត្រាលីនឹងធ្វើគ្រប់យ៉ាងដែលខ្លួនត្រូវការ ដើម្បីឈានទៅគ្រប់គ្រងនូវកម្រិតអតិផរណា ហើយទេសាភិបាលរបស់ធនាគារនេះ បាននិយាយនៅថ្ងៃពុធនេះ ដោយបានព្រមានប្រជាពលរដ្ឋឱ្យទប់ទល់នឹងបញ្ហាប្រឈមនាពេលខាងមុខ ខណៈដែលហានិភ័យនៃអតិផរណាខ្ពស់នៅតែបន្តកើតមាន។
ទិន្នន័យដែលបានចេញផ្សាយនៅថ្ងៃពុធនេះ បានបង្ហាញថាការចំណាយប្រចាំថ្ងៃកើនឡើងលើសពីការរំពឹងទុកកាលខែមេសា ដែលជំរុញឱ្យទីផ្សារប្រឈមនឹងឱកាសបង្កើនអត្រាការប្រាក់បន្ថែមទៀត បន្ទាប់ពីកំណើនដ៏គួរឱ្យភ្ញាក់ផ្អើលនៃអត្រាគោលនយោបាយឈានដល់កម្រិតខ្ពស់រយៈពេល ១១ ឆ្នាំគឺចំនួន ៣,៨៥ ភាគរយនៅដើមខែនេះ។
ក្រុមអ្នករៀបចំគោលនយោបាយរបស់ធនាគារកណ្តាលអូស្ត្រាលី នឹងជួបប្រជុំគ្នានៅថ្ងៃអង្គារសប្តាហ៍ក្រោយ ដើម្បីវាយតម្លៃស្ថានភាពសេដ្ឋកិច្ចក្នុងការសម្រេចពីអត្រាការប្រាក់សម្រាប់ខែមិថុនា។
ការបង្ហាញខ្លួននៅចំពោះមុខសមាជិកសភា ទេសាភិបាល លោក Philip Lowe បាននិយាយថា ការរំពឹងទុកនៃអតិផរណាត្រូវបានកំណត់យ៉ាងល្អសម្រាប់ពេលបច្ចុប្បន្ននេះ ប៉ុន្តែវានៅមិនទាន់អាចទទួលយកបាននៅឡើយទេ ហើយអតិផរណាកាន់តែខ្ពស់នឹងជំរុញឱ្យមានដំឡើងអត្រាការប្រាក់ និងភាពគ្មានការងារធ្វើកាន់តែច្រើន៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
