​ក្រុម​អ្នកជំនាញការ​ជួយសង្គ្រោះ និង​កកាយ​យក​បំណែ​កចាស់ៗ​ពី​នាវា​បាន​ទៅដល់​ប្រទេស​យ៉េ​ម៉ែន កាលពី​ថ្ងៃ​អង្គារ ដើម្បី​បូម​យក​ប្រេង​ចំនួន ១,១លាន​បារ៉ែល​ពី​នាវា FSO Safer ជានា​វា​ដឹក​ប្រេង​ខ្នាត​យក្ស​ដ៏​ចំណាស់​មួយគ្រឿង កំពុង​ខូចខាត​នៅក្នុង​ប្រទេស​យ៉េ​ម៉ែន ដែល​អង្គការសហប្រជាជាតិ​ព្រមាន​ថា អាច​បាក់បែក ឬ​ផ្ទុះ​នៅ​ថ្ងៃ​ណាមួយ​។​

​ប្រសិនបើ​ការ​ធ្លាយ​ប្រេង​កើតឡើង អង្គការសហប្រជាជាតិ​បាន​ព្រមាន​ថា វា​អាចជា​គ្រោះមហន្តរាយ​បរិស្ថាន​ដ៏​ធ្ងន់ធ្ងរ ដែល​វា​អាច​បង្ហូរ​ប្រេង​ច្រើនជាង​បួន​ដង​ទៅក្នុង​សមុទ្រ​ក្រហម ដូច​ទៅនឹង​គ្រោះមហន្តរាយ​ធ្លាយ​ប្រេង​របស់​នាវា Exxon Valdez កាល​ឆ្នាំ១៩៨៩ នៅ​រដ្ឋ​អា​ឡា​ស្កា​។​

​អង្គការសហប្រជាជាតិ បាន​ចុះកិច្ចសន្យា​ជាមួយ​ក្រុមហ៊ុន Boskalis និង SMIT ដើម្បី​ជួយ​ផ្ទេរ​ប្រេង​ចេញពី​នាវា​ដឹក​ប្រេង​ដែល​កំពុង​ខូចខាត​នោះ ហើយ​ដាក់​លើ​នាវា​ផ្ទេរ​ដែលមាន​សុវត្ថិភាព​។​

​នៅក្នុង​ឆ្នាំនេះ ការជំរុញ​ការ​រៃអង្គាស​ថវិកា​របស់​អង្គការសហប្រជាជាតិ ក្នុង​ប្រតិបត្តិការ​ជួយសង្គ្រោះ​រប​ស់នា​វា FSO Safer អាច​ទទួលបាន​ទឹកប្រាក់​ចំនួន ១២៩ លាន​ដុល្លារ ប៉ុន្តែ​អង្គការសហប្រជាជាតិ​បាន​និយាយ​នៅលើ​គណនី​បណ្ដាញ​សង្គម Twitter របស់​យ៉េ​ម៉ែន​ថា ការផ្តល់​មូលនិធិ​បន្ថែម​នៅតែមាន​សារៈសំខាន់​ក្នុងការ​បញ្ចប់​ដំណើរការ​នេះ​៕​