​ក្រុម​អវកាសយានិក​ឯកជន​ទាំងអស់ ដែលមាន​ជនជាតិ​អាមេរិក​ពីរ​នាក់ និង​ជនជាតិ​អារ៉ាប៊ីសាអ៊ូឌីត​ពីរ​នាក់ រួមទាំង​ស្ត្រី​ជនជាតិ​អារ៉ាប់​ដំបូង​គេ ដែល​ត្រូវបាន​បញ្ជូន​ទៅកាន់​គន្លង​តារាវិថី បាន​ចុះចត​ដោយ​សុវត្ថិភាព នៅឯ​រដ្ឋ​ហ្វ្ល​រី​ដា (Florida) កាលពី​យប់​ថ្ងៃ​អង្គារ ដោយបាន​បញ្ចប់​បេសកកម្ម​ស្រាវជ្រាវ​រយៈពេល​ប្រាំបី​ថ្ងៃ នៅលើ​ស្ថានីយ​អវកាស​អន្តរជាតិ (ISS)​។​

​យានអវកាស​របស់ SpaceX Crew Dragon ដែល​ដឹក​អវកាសយានិក​ទាំងនោះ បាន​រលាស់​ឆ័​ត្រ​យោង​ចូលក្នុង​ឈូង​សមុទ្រ​ម៉ិ​ក​ស៊ិ​ក ម្ដុំ​ឆ្នេរ​នៃ​ទីក្រុង​ប៉ា​ណា​ម៉ា (Panama) រដ្ឋ​ផ្លរីដា (Florida) បន្ទាប់ពី​ការហោះហើរ​ត្រឡប់មកវិញ​រយៈពេល ១២​ម៉ោង ហើយ​តម្រង់​មកកាន់​បរិ​កាស​ផែនដី​វិញ​។​

​ដំណើរ​វិលត្រឡប់​ចុះមក​របស់​យានអវកាស​នេះ ត្រូវបាន​ធ្វើឡើង​ដោយមាន​ការផ្សាយ​ផ្ទាល់​តាម​គេហទំព័រ​រួម ដែល​បង្ហាញ​ដោយ​ក្រុមហ៊ុន​អវកាស SpaceX និង​ក្រុមហ៊ុន ដែល​គាំទ្រ​បេសកកម្ម​នេះ គឺ Axiom Space​។​

​នេះ​ជាការ​បញ្ចប់​បេសកកម្ម​ស្ថានីយ​អវកាស​ទី​ពីរ ដែល​រៀបចំ បំពាក់ និង​បណ្តុះបណ្តាល​ទាំងស្រុង​ពី​ការចំណាយ​ឯកជន​របស់​ក្រុមហ៊ុន Axiom ដែលជា​ក្រុមហ៊ុន​បណ្តាក់ទុន​មាន​អាយុកាល ៧​ឆ្នាំ នៅ​ទីក្រុង Houston រដ្ឋ​តិច​សាស់ ដឹកនាំ​ដោយ​អតីត​អ្នកគ្រប់គ្រង​កម្មវិធីរ​បស់​ស្ថានីយ​អវកាស​អន្តរជាតិ ISS របស់​ទី​ភ្នា​ក់​អវកាស NASA៕​