Amazon ៖ បុគ្គលិកក្រុមហ៊ុនអាម៉ាហ្ស៊ូន មួយចំនួនបានធ្វើបាតុកម្មកាលពីថ្ងៃពុធ (៣១ ឧសភា) ដើម្បីតវ៉ាប្រឆាំងនឹង​បម្លាស់ប្តូររបស់ក្រុមហ៊ុនពាណិជ្ជកម្មអេឡិចត្រូនិកខ្នាតយក្សមួយនេះ លើគោលនយោបាយអាកាសធាតុ ការបញ្ឈប់​ការងារ និងការត្រឡប់ទៅការិយាល័យវិញ។

មនុស្សជាង ១០០ នាក់បានប្រមូលផ្តុំគ្នានៅពេលរសៀលនៅទីលាន Spheres ដែលជាវិមានកញ្ចក់នៅ​ចំកណ្តាល​ទីស្នាក់ការកណ្តាលរបស់ក្រុមហ៊ុនអាម៉ាហ្ស៊ូន នៅទីក្រុង Seattle ។

ទីភ្នាក់ងារយុត្តិធម៌សម្រាប់បរិស្ថានរបស់បុគ្គលិកក្រុមហ៊ុនអាម៉ាហ្ស៊ូន (AECJ) បាននិយាយថា ការដើរចេញពីការនេះ មានឡើងបន្ទាប់ពីការផ្លាស់ប្ដូរដែលនាំក្រុមហ៊ុនអាម៉ាហ្ស៊ូន "ដើរខុសទិសដៅ"។

ក្រុមហ៊ុនអាម៉ាហ្ស៊ូន ក៏បានប្រកាសកាត់បន្ថយបុគ្គលិកចំនួន ២៧.០០០តំណែង ក្នុងរយៈពេលប៉ុន្មានខែថ្មីៗនេះ ឬស្មើនឹង ៩% នៃកម្លាំងពលកម្មសាជីវកម្មរបស់ខ្លួន ដែលជាការផ្លាស់ប្តូរមួយសម្រាប់ក្រុមហ៊ុន ដែលបានពោល​សរសើរយូរមកពីការបង្កើតងាររបស់ខ្លួន។

នៅក្នុងសេចក្តីថ្លែងការណ៍មួយ អ្នកនាំពាក្យក្រុមហ៊ុនអាម៉ាហ្ស៊ូន លោក Brad Glasser បាននិយាយថា ក្រុមហ៊ុនកំពុង​ជំរុញ​យ៉ាងខ្លាំងក្នុងការកាត់បន្ថយការបំភាយឧស្ម័នកាបូនឌីអុកស៊ីតរបស់ខ្លួន។ លោកបានបន្ថែមថា ក្រុមហ៊ុនទទួល​ស្តាប់មតិយោបល់របស់បុគ្គលិក ហើយរីករាយនឹងកិច្ចសហការដែលកើតចេញពីគោល​នយោបាយត្រឡប់​ទៅធ្វើការផ្ទាល់នៅការិយាល័យរបស់ខ្លួន៕