​បាល់ទាត់៖ ​អ្នកគាំទ្រ Manchester City បាន​ប្រមូល​ផ្តុំគ្នា​នៅ​ខាងក្រោយ​កីឡដ្ឋាន Etihad ក្រោយ​ការប្រកួត​បញ្ចប់​ដែល Chelsea យកឈ្នះ Manchester City កាលពី​ថ្ងៃ​សៅរ៍​ក្របខណ្ឌ English Premier League​។ ​ក្រុម​ទាំងពីរ​នឹង​ជួបគ្នា​ម្តងទៀត​នៅ​ថ្ងៃទី២៩ ខែឧសភា​នេះ​វគ្គ​ផ្តាច់ព្រ័ត្រ UEFA Champions League នៅ​ទីក្រុង Istanbul ប្រទេស​ទួ​ក​គី​។

​​អ្នកគាំទ្រ Manchester City បានបង្ហាញ​ក្តីសង្ឃឹម​របស់ខ្លួន ​ដែល​ការប្រកួត​វគ្គ​ផ្តាច់ព្រ័ត្រ​រវាង​ក្រុម​អង់គ្លេស​ទាំង២ ​នេះ​អាច​លើក​មកកាន់​ទឹកដី​អង់គ្លេស​បាន​។ ​រដ្ឋាភិបាល​អង់គ្លេស​ចុង​សប្តាហ៍​កន្លង​ទៅ បាន​ទទូច​ឲ្យ​អ្នកគាំទ្រ​របស់ខ្លួនកុំ​ធ្វើដំណើរ​ ទៅ​ទស្សនា​ដល់​ទឹកដី​ទួ​ក​គី ​ដោយ​ប្រទេសមួយ​នេះ​ត្រូវ​អង់គ្លេស​ចាត់ទុកជា​តំបន់​ក្រហម ​ខណៈ​កំពុង​ស្ថិតក្នុង​បិទ​ខ្ទប់​ដោយសារ​ការផ្ទុះ​ឡើង ​នៃ​ការឆ្លងរាលដាល​មេរោគ Covid-19 សារជាថ្មី​។ ​រដ្ឋាភិបាល​អង់គ្លេស​ក៏បាន និង​កំពុង​ស្នើសុំ UEFA ក្នុង​ការលើក​ការប្រកួត​នេះ​មកកាន់​ទឹកដី​អង់គ្លេស​ផងដែរ​។

​​UEFA បានសំរេច​កន្លងមក​ពី​ការអនុញ្ញាតឲ្យ​អ្នកគាំទ្រ​ក្រុម​ទាំងពីរ​ម្ខាង ៤០០០នាក់​ចូលរួម​ទស្សនាការ​ប្រកួត​វគ្គ​ផ្តាច់ព្រ័ត្រ​នេះ តែ​អង់គ្លេស​ដែល​ទើប​ងើប​ផុតពី​ការបិទ​ខ្ទប់​នោះ មិន​ចង់អោយ​ប្រជាជន​ធ្វើដំណើរ​ទៅ​ទឹកដី​ទួ​ក​គី​ទេ ខណៈ​រាល់​ការធ្វើដំណើរ​ត្រលប់​មកវិញ​សុទ្ធតែ​ត្រូវធ្វើ​ច​ត្តា​ឡី​ស័ក ១៤ថ្ងៃ ហើយ​កីឡាករ​ទៀតសោត​ក៏ត្រូវ​ធ្វើ​យ៉ាង​ដូច្នោះ​ដែរ ដែល​ការ​នេះ​នឹង​ធ្វើអោយប៉ះពាល់​ដល់​ការប្រមូលផ្តុំ​ ក្រុម​ជំរើសជាតិ​មុន Euro ២០២០ នៅ​ដើមខែ​មិថុនា​ខាងមុខ​៕

​អត្ថបទ​៖​នាង សុភា​វុ​ធ