អាមេរិក ៖ កាលពីថ្ងៃព្រហស្បតិ៍ (១ មិថុនា) កវីឈានមុខអាមេរិកអ្នកស្រី Ada Limon បានបង្ហាញកំណាព្យដែលខ្លួនបាន​និពន្ធឡើងដែលនឹងត្រូវឆ្លាក់នៅលើយានអវកាសណាសាឆ្ពោះទៅកាន់ឋានព្រះច័ន្ទរណបនៃភពព្រហស្បតិ៍នៅឆ្នាំក្រោយ។

កំណាព្យនេះមានចំណងជើងថា "អាថ៌កំបាំងដ៏អស្ចារ្យ៖ កំណាព្យសម្រាប់ភពរណបនៃភពព្រហស្បតិ៍" នឹងជាផ្នែក​មួយនៃបេសកកម្មយាន្តអាវកាស Europa Clipper របស់ណាសា ដែលនឹងចាប់ផ្តើមដំណើរនៅខែតុលា ឆ្នាំ ២០២៤។ បេសកកម្មនោះនឹងអង្កេតថាតើមហាសមុទ្រដែលគេគិតថាស្ថិតនៅក្រោមស្រទាប់ទឹកកករបស់ភពព្រហស្បតិ៍ អាចទ្រទ្រង់ជីវិត​បានឬយ៉ាងណា នេះបើយោងតាមអង្គការណាសា។

កំណាព្យនេះក៏នឹងត្រូវឆ្លាក់នៅលើមីក្រូឈីបដែលនឹងត្រូវដាក់នៅលើយានអវកាសផងដែរ។ ណាសាបានអញ្ជើញសមាជិកសាធារណៈជនឱ្យបន្ថែមឈ្មោះរបស់ពួកគេទៅក្នុងកំណាព្យ ហើយបាននិយាយថា​ឈ្មោះទាំង​នោះនឹងត្រូវបានដាក់បញ្ចូលនៅលើមីក្រូឈីបផងដែរ។

គំនិតផ្តួចផ្តើម​នេះត្រូវបានគេហៅថាយុទ្ធនាការ "សារក្នុងដប" ដោយណាសានិយាយថា "កំណាព្យ និងឈ្មោះទាំងនោះ​នឹង​ដូចជាសារនៅក្នុងដបមួយ ដែលធ្វើដំណើររាប់ពាន់លានម៉ាយទៅកាន់ភពរណបនោះ"៕