ឈីលី ៖ ក្នុងអំឡុងពេលថ្លែងសុន្ទរកថាលើកទីពីរទៅកាន់សភាកាលពីថ្ងៃព្រហស្បតិ៍ (១ មិថុនា) ប្រធានាធិបតីឈីលី​លោក ហ្គាព្រីអ៊ែល បូរីក (Gabriel Boric) បាននិយាយថារដ្ឋាភិបាលរបស់លោកនឹងសង្កត់ធ្ងន់​លើការការពារ​សិទ្ធិមនុស្ស​និងថាមពលឡើងវិញ។

ក្នុងអំឡុងពេលសុន្ទរកថាដ៏ទូលំទូលាយដែលមានរយៈពេលជាងបីម៉ោងនៅក្នុងសភា Valparaiso លោក បូរីក បានរំលឹក​ឡើង​វិញនូវការសម្របសម្រួលរបស់ខ្លួនទាក់ទងនឹងការការពារធម្មជាតិ ជនជាតិភាគតិច និងការលើកកម្ពស់សេរីភាព។

លោក បូរីក បានពុះពារឧបសគ្គនៃសុទិដ្ឋិនិយមបែបឆ្វេងនិយមឆ្ពោះតំណែងប្រធានាធិបតី ប៉ុន្តែប្រជាប្រិយ​ភាព​របស់​លោកបានធ្លាក់ចុះចាប់តាំងពីពេលមានវិបត្តិសេដ្ឋកិច្ច កំណើនឧក្រិដ្ឋកម្ម និងវិបត្តិនយោបាយ ដូចជាការបរាជ័យ​នៃការតាក់តែងរដ្ឋធម្មនុញ្ញថ្មី។

លោក បូរីក បានប្រកាសថា រដ្ឋាភិបាលនឹងបញ្ជូនសេចក្ដីស្នើច្បាប់មួយទៅសភានៅឆ្នាំនេះ ដើម្បីស្វែងរកការដេញថ្លៃ​លើការវិនិយោគសម្រាប់ការស្តុកទុកថាមពលទ្រង់ទ្រាយធំ ដែលទាមទារការថវិកាវិនិយោគចំនួន ២ ពាន់លានដុល្លារ។

លោកបាននិយាយថា គម្រោងនេះនឹងចាប់ផ្តើមនៅឆ្នាំ ២០២៦ នៅតំបន់វាលខ្សាច់ Atacama ហើយនឹងជាគម្រោង​ធំជាង​គេនៅអាមេរិកឡាទីន។ លោកក៏បានប្រកាសថា ការចុះឈ្មោះនឹងត្រូវរៀបចំឡើង ដើម្បីចុះបញ្ជីជីវមាត្រ​ចំពោះជនអន្តោប្រវេសន៍ដែលចូលមកប្រទេសឈីលី ដោយមិនទៀងទាត់ជាមួយនឹងព័ត៌មានដូចជាអត្តសញ្ញាណ និងកំណត់ត្រាព្រហ្មទណ្ឌ៕