អុីស្រាអែល ៖ ក្រុមអ្នកចូលរួមនៅក្នុងក្បួនព្យុហយាត្រាឥន្ទធនូនៃជនភេទទីបី នៅទីក្រុងហ្សេរុយសាឡឹម ប្រទេសអ៊ីស្រាអែល​កាលពីថ្ងៃព្រហស្បតិ៍ (១ មិថុនា) បានស្ថិតក្នុងស្ថានភាពមិនស្វាគមន៍ក្នុងការស្វែង​ការការពារពីអតីត​សត្រូវស្តាំនិយមជ្រុល​របស់ពួកគេ។

បច្ចុប្បន្ននេះ រដ្ឋមន្ត្រីនគរបាលរបស់អ៊ីស្រាអែល លោក Itamar Ben-Gvir បានបញ្ជាឲ្យក្សាសណ្តាប់ធ្នាប់ ខណៈដែលមនុស្ស​ប្រហែល ៣០.០០០ នាក់បានចូលរួមក្នុងព្រឹត្តិការណ៍ប្រចាំ​ឆ្នាំដែល​លោកធ្លាប់មាន​ការមិនពេញចិត្ត​ជាខ្លាំង។ លើកនេះលោកត្រូវបានគេស្ដីបន្ទោសថា «ជាភាពអាម៉ាស់» ដែលបានស្រែកស្តីបន្ទោស​ពីបណ្ដាអ្នកចូល​រួមក្នុងពិធីនោះ។

លោក Ben-Gvir ពណ៌នាអ្នកស្រឡាញ់ភេទដូចគ្នាថាជា "បងប្អូន" របស់លោក ហើយបានសន្យាថានឹងរក្សាសន្តិសុខ​ដល់ពលរដ្ឋដែល​គោរពច្បាប់ទាំងអស់។

នៅមុនព្រឹត្តិការណ៍នេះ នគរបាលបាននិយាយថា មនុស្សបីនាក់ត្រូវបានឃុំខ្លួនពីបទសង្ស័យ​គំរាមកំហែង​ប្រឆាំងនឹងអ្នក​ដើរក្បួន។ ក្រុមសកម្មប្រយុទ្ធហាម៉ាសឥស្លាម ក៏បានអំពាវនាវដល់ប្រជាជនប៉ាឡេស្ទីនដែលប្រឆាំងការ​គ្រប់គ្រងរបស់​អ៊ីស្រាអែលលើទីក្រុងហ្សេរុយសាឡឹមឱ្យក្រោកឡើង"ប្រឈមមុខ" ក្បួនដង្ហែព្យុហយាត្រាឥន្ទធនូនៃជនភេទទីបីនេះ។

ព្រឹត្តិការណ៍នេះបានកន្លងផុតទៅដោយគ្មានឧប្បត្តិហេតុកើតឡើងទេ។ ប៉ុន្តែនោះជាការលួងលោមដ៏ត្រជាក់សម្រាប់សហគមន៍ដែលរាយការណ៍ពីកំណើន ៤០០% នៃឧប្បត្តិហេតុប្រឆាំង​នឹងអ្នកស្រឡាញ់ភេទ​ដូចគ្នាចាប់តាំងពីរដ្ឋាភិបាលចម្រុះជាតិ-សាសនានិយម​របស់នាយករដ្ឋមន្ត្រីលោក Benjamin Netanyahu ត្រូវបានឡើងកាន់អំណាចកាលខែធ្នូ៕