ស្របពេលឮសំឡេងធ្វើចរាចរណ៍ពីចម្ងាយ និងយន្តហោះហោះនៅលើមេឃ អ្នកស្រី Connie Sihombing បានអុំទូកកាត់ទឹកនៅក្នុងឧទ្យានអភិរក្សធម្មជាតិ Angke Kapuk គឺជាតំបន់ព្រៃកោងកាងស្ថិតនៅតាមឆ្នេរភាគខាងជើងទីក្រុងហ្សាកាតាដែលគាត់ពុំធ្លាប់ដែលដឹងថាមានទាល់តែសោះ បើទោះបីជាគាត់រស់នៅក្នុងទីក្រុងក៏ដោយ ។
អ្នកស្រី Sihombing បានចូលរួមយុទ្ធនាការឲ្យពលរដ្ឋឥណ្ឌូនេស៊ីដាំដើមកោងកាងកាលពីពេលថ្មីៗនេះ ស្របពេលដែលរដ្ឋាភិបាលបង្កើនកិច្ចខិតខំប្រឹងប្រែងជំរុញអេកូទេសចរណ៍នៅក្នុងរដ្ឋធានី និងជំរុញការចាប់អារម្មណ៍លើការអភិរក្សដីល្បប់ ។ អ្នកស្រីនិយាយថា គាត់ស្រលាញ់ចូលចិត្តទីក្រុងមួយនេះ បើទោះបីជាពួកយើងគិតថារញ៉េរញ៉ៃ និងកខ្វក់ បន្តិចក្តី ពួកយើងនៅតែអាចអភិរក្សអ្វីៗបែបនេះបាន ។
គួរឲ្យដឹងថា នៅក្នុងទីក្រុងហ្សាកាតា ជាទីដែលទឹកជំនន់ធ្ងន់ធ្ងរ និងការបូមទឹកក្រោមដីទ្រង់ទ្រាយធំពីស្រទាប់ក្រោមដីបណ្តាលឲ្យវាលិចជាង ១៥សង់ទីម៉ែត្រក្នុង១ឆ្នាំនោះ ដើមកោងកាង បានក្លាយជាអ្នកការពារដ៏សំខាន់ទប់ទល់នឹងការលិចកើនឡើងយ៉ាងឆាប់រហ័សបែបនេះ ។
បច្ចុប្បន្នក្រុមភ្ញៀងទេសចរ កំពុងដាំដើមកោងកាង និងជិះទូកកាយ៉ាក់ ឆ្លងកាត់ព្រៃកោងកាង គឺជាសញ្ញាមួយនៃក្តីសង្ឃឹម សម្រាប់ការអភិរក្ស ស្របពេលមានការស្ងើចសរសើរពីការដុះដើមកោងកាងនៅលើដីលិចទឹកទាំងអស់នេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
