តាកែវ ៖ រដ្ឋបាលខេត្តតាកែវ បានអំពាវនាវទៅពលរដ្ឋពាក់ព័ន្ធឱ្យទៅផ្ដល់សំណាក់ និងតាមដានសុខភាពខ្លួនឯង បន្ទាប់ពីរកឃើញមនុស្ស ២៣នាក់ទៀតឆ្លងមេរោគកូវីដ១៩នៅក្នុងស្រុកសំរោងទង និងស្រុកបាទី។
ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តតាកែវ បញ្ជាក់ថា រកឃើញអ្នកឆ្លងជំងឺកូវីដ១៩ចំនួន ២៣នាក់ ដែលភាគច្រើនជាអាជីវករនៅស្រុកសំរោងទងនិងកម្មករកម្មការិនី។
តាមសេចក្ដីប្រកាសដដែលនេះ ពលរដ្ឋឆ្លងកូវីដ១៩ទាំង ២៣នាក់ខាងលើនេះ ត្រូវបានរកឃើញនៅក្នុងស្រុកសំរោងទង ១១នាក់ ស្រុកបាទី ៤នាក់ និងកម្មករកម្មការិនី ៨នាក់បម្រើការងារនៅរោងចក្រសាន់បូ។
គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕អត្ថបទ ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
