ប៉ោយប៉ែត៖​ អនុវត្តតាមការណែនាំរបស់លោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាល​អន្តោប្រវេសន៍​ច្រកទ្វារព្រំដែនអន្តរជាតិប៉ោយប៉ែត នៅថ្ងៃទី០៤ ខែមិថុនានេះ ក្រុមការងារ​តំណាងប៉ុស្តិ៍ចំនួន០៥នាក់ ដឹកនាំដោយលោកវរសេនីយ៍ឯក ភន សុផល ឋានៈ នាយរងប៉ុស្តិ៍ ចុះសួរសុខទុក្ខលោកវរសេនីយ៍ឯក កែម ស៊ីណា ឋានៈនាយរងប៉ុស្តិ៍ ដែលកំពុងសម្រាកព្យាបាលជំងឺរលាកតម្រងនោមនៅមន្ទីរពេទ្យព្រះកេតុមាលា រាជធានីភ្នំពេញ

។

ក្នុងឱកាសនោះក្រុមការងារ បាន​នាំយកនូវថវិកាព្រមទាំងគ្រឿង​ឧបភោគបរិភោគ​មួយ​ចំនួន​ដែល​ជា​ជំនួយ​ឧបត្ថម្ភរបស់លោកឧត្ដមសេនីយ៍ត្រី នាយប៉ុស្តិ៍ និងមន្ត្រីក្រោមឱវាទ​ប្រគល់ជូន ដើម្បីជួយ​សម្រាល​នូវការ​លំបាក​ខ្វះខាតរួមមាន៖

-ប្រាក់ដុល្លារចំនួន ១,០០០ ដុល្លារ

-ប្រាក់បាតចំនួន ៣៨,៧០០ បាត

-ប្រាក់រៀលចំនួន ៣,១២០,០០០ រៀល

-ទឹកដោះគោឆៅ ២កេស,ទឹកក្រូច ២កេស,ទឹកសុទ្ធ ៥កេស, ត្រីខ ១កេស និងមី ១កេសធំ ។

លោកនាយប៉ុស្តិ៍ បានបន្តថា កត្ដាទាំងអស់គឺជាការរួមចំណែកមួយដ៏​សំខាន់​ក្នុងការជួយសម្រាល​រាល់បញ្ហាប្រឈមនានា របស់មន្រ្តីក្រោមឱវាទដែលមានជំងឺធ្ងន់ធ្ងន់ បានមួយគ្រាផងដែរ នៅពេលមានជំងឺនោះ៕