ពិធីបុណ្យចែកស្បៀងអាហារដល់សហគមន៍ដែលគាំទ្រទីក្រុងប៉េកាំង រយៈពេលបីថ្ងៃបានចាប់ផ្តើមកាលពីថ្ងៃសៅរ៍ (៣ មិថុនា) នៅឧទ្យានជ័យជម្នះ របស់ហុងកុង ជាទីដែលពិធីអុជទៀនរំឭកវិញ្ញាណក្ខន្ធប្រចាំឆ្នាំប្រារព្ធដើម្បីរំឭកទិវាបង្ក្រាបថ្ងៃទី៤ ខែមិថុនា ឆ្នាំ ១៩៨៩ នៅទីលានចតុរង្គ TIANANMEN ដែលបានធ្វើឡើងក្នុងប៉ុន្មានឆ្នាំកន្លងមក។

ពិធីបុណ្យចែកស្បៀងអាហារដល់សហគមន៍នឹងប្រព្រឹត្តទៅចាប់ពីថ្ងៃទី ៣ ខែមិថុនា រហូតដល់ម៉ោង ៦ ល្ងាច ថ្ងៃទី៥ខែមិថុនា។

ក្រុមអ្នករៀបចំពិធីនេះ បាននិយាយថា វាមានផ្សារមួយដែលមានអាហារមកពីទូទាំងប្រទេសចិន ហើយ​ក៏មាន​គោលបំណង​ដើម្បីអបអរសាទរ​ការប្រគល់ហុងកុង ​មកស្ថិតក្នុងក្រោមការគ្រប់គ្រង​របស់ចិន ក្នុងឆ្នាំ ១៩៩៧ ផងដែរ ។

អស់រយៈពេលជាច្រើន​ទសវត្ស​មកហើយ ហុងកុង ធ្លាប់ដើរតួជាសកលនាំមុខគេក្នុងការរំឭក​ដល់​យុទ្ធនាការបង្រ្កាបឆ្នាំ១៩៨៩ ដោយកងទ័ពចិននៅក្នុង ​និងជុំវិញទីលានចតុរង្គ TIANANMEN របស់ទីក្រុងប៉េកាំង ដែលត្រូវបានគេមើលឃើញថា ជានិមិត្តរូបនៃភាពបើកចំហរ​របស់ទីក្រុងនេះបើធៀបនឹងប្រទេសចិនដីគោក។

ទោះបីជាយ៉ាងណាក៏ដោយ ចាប់តាំងពីចលនាគាំទ្រលទ្ធិប្រជាធិបតេយ្យដ៏ធំរបស់ហុងកុងកាលឆ្នាំ ២០១៩ មក​ ប្រទេសចិនបានដាក់ច្បាប់សន្តិសុខជាតិ ហើយគោលការណ៍ផ្សេងៗ​ដើម្បីរំឭក​ដល់ទិវាថ្ងៃទី ៤ ខែមិថុនា បានថយចុះជាលំដាប់៕