មនុស្សរាប់សិបនាក់បានដើរដង្ហែក្បួនក្នុងភាពស្ងៀមស្ងាត់ក្នុងទីក្រុង Guadalajara ប្រទេសម៉ិកស៊ិក កាលពីថ្ងៃសុក្រ (២ មិថុនា) ដើម្បីទាមទារយុត្តិធម៌សម្រាប់បុគ្គលិកមជ្ឈមណ្ឌលហៅទូរស័ព្ទ ដែលត្រូវបានចាប់ពង្រាត់នៅក្នុងប្រទេសម៉ិកស៊ិក ហើយសាកសពរបស់ពួកគេ ត្រូវបានគេបញ្ជាក់ថា ត្រូវបានរកឃើញក្នុងសប្តាហ៍នេះក្នុងបាវចំនួន ៤៥ ដែលបានបោះចោលក្នុងជ្រោះមួយ។

ក្រុម​សាច់ញាតិ​ និង​មិត្តភ័ក្ដិ បានចូលរួមដង្ហែក្បួន​ដោយ​ស្ងៀមស្ងាត់​ដោយ​កាន់បដា និងស្លាកសញ្ញា​ដែល​មានរូបថតបុគ្គលិកមជ្ឈមណ្ឌលហៅទូរស័ព្ទចំនួនប្រាំពីរនាក់​ដែលបាត់ខ្លួន ហើយ​ទាមទារ​រកយុត្តិធម៌សម្រាប់ពួកគេ​ និងម្នាក់ទៀត​បានបាត់ខ្លួននៅក្នុងរដ្ឋនេះ។

ក្រុមរដ្ឋអាជ្ញារដ្ឋ Jalisco កាលពីថ្ងៃព្រហស្បតិ៍ (១ មិថុនា) ​បាននិយាយថា សាកសព​មនុស្សដែល​ត្រូវបានគេរកឃើញនៅក្នុងបាវនៅជាយក្រុង Guadalajara ហាក់ដូចជារបស់បុគ្គលិកដែលបាត់ខ្លួន ប៉ុន្តែនៅតែស្ថិតក្រោមការធ្វើតេស្តផ្នែកនីនិកោសល្យវិទ្យា ដើម្បីកំណត់អត្តសញ្ញាណជន​រងគ្រោះជាផ្លូវការ។

យោងតាមទិន្នន័យរបស់រដ្ឋាភិបាល បច្ចុប្បន្នមានមនុស្សជាង ​១០០.០០០នាក់ កំពុងបាត់ខ្លួននៅក្នុង​ប្រទេសម៉ិកស៊ិក ជាទីដែលក្រុមឧក្រិដ្ឋកម្មដែលមានអង្គការចាត់តាំងបាន​បំផ្លាញផ្នែកខ្លះ​នៃប្រទេស។ ជាពិសេសរដ្ឋ Jalisco ​គឺជាតំបន់ពិសសសម្រាប់ក្រុមជួញដូរមនុស្សធំៗ រួមទាំង​ក្រុមឧក្រិដ្ឋកម្ម Jalisco New Generation ​និងក្រុមគូប្រជែង Nueva Plaza ផងដែរ៕