ក្រសួងផ្លូវដែករបស់ប្រទេសឥណ្ឌាបានផ្តល់អនុសាសន៍ថា ទីភ្នាក់ងារស៊ើបអង្កេតជាន់ខ្ពស់របស់ប្រទេស គួរតែស៊ើបអង្កេតលើការឧបទេវហេតុរថភ្លើងបុកគ្នាដែលបានសម្លាប់មនុស្សយ៉ាងហោច ២៧៥ នាក់នេះ។

រដ្ឋមន្ត្រីក្រសួងផ្លូវដែកលោក Ashwini Vaishnaw បានប្រកាសពីការសម្រេចនេះ ប៉ុន្តែមិនបានផ្តល់ព័ត៌មានលម្អិតបន្ថែមទេ។ ការស៊ើបអង្កេតដែលដឹកនាំដោយក្រសួងផ្លូវដែកបានចាប់ផ្តើមរួចហើយ ហើយរបាយការណ៍បឋមបាននិយាយថា កំហុសបច្ចេកទេសជាហេតុបង្កឧបទ្ទវហេតុនេះ។

វាមិនច្បាស់ទេថាហេតុអ្វីបានជាក្រុមប្រឹក្សាផ្លូវដែកដែលជាស្ថាប័នធ្វើការសម្រេចកំពូលរបស់ក្រសួង បានផ្តល់អនុសាសន៍ឱ្យមានការស៊ើបអង្កេតដាច់ដោយឡែកដោយការិយាល័យស៊ើបអង្កេតកណ្តាល (CBI) ខណៈដែលការស៊ើបអង្កេតផ្សេងៗទៀតបានចាប់ផ្តើមរួចមកហើយនោះ។

ការិយាល័យ CBI ស៊ើបអង្កេតលើមូលហេតុឧក្រិដ្ឋកម្មកម្រិតកម្រិតធ្ងន់ រួមទាំងការក្លែងបន្លំផ្នែកហិរញ្ញវត្ថុធ្ងន់ធ្ងរ និងឃាតកម្ម។

លោក Vaishnaw បាននិយាយកាលពីថ្ងៃអាទិត្យថា "មូលហេតុជាដើមចម" នៃគ្រោះថ្នាក់នេះ និងអ្នកទទួលខុសត្រូវចំពោះ "អំពើឧក្រិដ្ឋកម្ម" ត្រូវបានកំណត់អត្តសញ្ញាណរួចហើយ។

លោកបានបន្ថែមថា “បម្លាស់ប្តូរការប្រទាក់គ្នាតាមប្រព័ន្ធអេឡិចត្រូនិក” គឺទំនងជាមូលហេតុនាំឲ្យមានគ្រោះថ្នាក់នេះ។ រដ្ឋមន្ត្រីរូបនេះ បានជំរុញឲ្យប្រជាពលរដ្ឋរង់ចាំរបាយការណ៍ចុងក្រោយពីរដ្ឋាភិបាល៕