ភ្នំពេញ៖ កម្ពុជាត្រូវការកំលាំងមួយដ៏ខ្លាំង នៅក្នុងវិស័យសាធារណៈ ដើម្បីទប់ទល់នូវរាល់ការលំបាកដែលកំពុងកើតឡើង ក្នុងគោលដៅនាំ នាវាកម្ពុជាឆ្ពោះទៅរកការរីកចម្រើន ដោយមានចីរភាពក្នុងការអភិវឌ្ឍន៍ សម្រាប់ជំរុញឲ្យមានកំណើនសេដ្ឋកិច្ចជាតិខ្ពស់។
ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី, រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ លើកឡើងនៅ ក្នុងសិក្ខាសាលាស្តីពីការចែករំលែកបទពិសោធន៍នៃការគ្រប់ថវិកាសមិទ្ធិកម្មនៃប្រទេសបារាំង, ការរៀបចំវេទិកា (ការអនុវត្តថវិកា និង ការតាមដាននិងការវាយតម្លៃ នៅថ្ងៃទី ៥ ខែ មិថុនា ឆ្នាំ ២០២៣ នេះថា បច្ចុប្បន្នពិភពលោកកំពុងបញ្ហាធំៗជាច្រើនដូចជា បញ្ហាភូមិ សាស្ត្រនយោបាយ, បញ្ហានៃការបាក់បែកភូមិសាស្ត្រសេដ្ឋកិច្ច, ជម្លោះភូមិសាស្ត្រនយោបាយ, បញ្ហាអាកាសធាតុ និងបញ្ហាផ្សេងៗទៀត បានបង្កើតជាសម្ពោធ និងបញ្ហាជាច្រើនសម្រាប់ប្រទេសកម្ពុជា។
ដូច្នេះកម្ពុជាពិតជាត្រូវការនូវកំលាំងមួយដ៏ខ្លាំងក្នុងវិស័យសាធារណៈ ដើម្បីទប់ទល់ និងជម្នះបាននូវការលំបាកទាំងអស់នេះ។ ឯកឧត្តម បន្តថា ជាក់ស្តែងសិក្ខាសាលាថ្ងៃនេះពិតជាមានសារៈសំខាន់ណាស់ ក្នុងការទ្រទ្រង់កំណើនសេដ្ឋកិច្ច តាមរយៈការគ្រប់គ្រង់ប្រព័ន្ធហិរញ្ញវត្ថុសាធារណៈ ក្នុងនោះកម្ពុជាចង់ឃើញវិស័យធារណៈមួយរឹងមាំ ខ្លាំង និងជាឧបករណ៍គោលនយោបាយរបស់ រាជរដ្ឋាភិបាល ក្នុងការដោះស្រាយបញ្ហាជាតិ មិនថានយោបាយ, សេដ្ឋកិច្ច, សង្គម ឬបញ្ហាគ្រោះថ្នាក់ធម្មជាតិ ឬផ្សេងៗទៀតដែលកើត ឡើងក្នុងសកលភាបូបនីយកម្មបច្ចុប្បន្ន។
ដូច្នេះប្រព័ន្ធហិរញ្ញវត្ថុដែលយើងកំពុងរៀនសូត្រនៅពេលនេះ គឺជាការត្រួសត្រាយ និងតម្រង់ ទិសទៅរកការអភិវឌ្ឍន៍។ឯកឧត្តម វង្សី វិស្សុត បញ្ជាក់ថា ដើម្បីឲ្យប្រព័ន្ធហិរញ្ញវត្ថុសាធារណៈរឹងមាំបាន ពិតណាស់យើងយត្រូវការក្របខណ្ឌច្បាប់ លិខិបទដ្ឋានល្អ ឆ្លើយតប មានតម្លាភាព និងម្ខាងទៀតគឺសមត្ថភាពរបស់មន្ត្រីរាជការ។ ដូច្នេះតាមរយៈនៃការចែករំលែកបទពិសោធន៍ ការគ្រប់ថវិកាសមិទ្ធិកម្មនៃប្រទេសបារាំងនេះ នឹងផ្តល់អត្ថប្រយោជន៍បន្ថែមទៀតដល់មន្ត្រីរាជការ ក្នុងការពង្រីកខ្លួន និងចំណេះដឹងលើ វិស័យសាធារណ ដើម្បីធានាប្រសិទ្ធភាព តម្លាភាព និងចីរភាពថវិកាក្នុងគោលដៅបម្រើដល់ការអភិវឌ្ឍន៍៕ អត្ថបទ៖ សុន រ៉ាឌី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
