កាលពីថ្ងៃអាទិត្យ (៤ មិថុនា) យោធាអ៊ុយក្រែន បានបន្តការរក្សាភាពស្ងៀមស្ងាត់នៃប្រតិបត្តិការជុំវិញការវាយបកដែលរង់ចាំជាយូរមកហើយប្រឆាំងនឹងកងកម្លាំងរុស្ស៊ី ដែលជាសារចុងក្រោយបង្អស់របស់រដ្ឋធានី Kyiv ខណៈដែលខ្លួនរៀបចំសម្រាប់ការវាយបកនេះ។
ការរំពឹងទុកបានកើនឡើងជុំវិញអ្វីដែលគេរំពឹងថានឹងជាការវាយប្រហារយ៉ាងទូលំទូលាយដោយកងកម្លាំងអ៊ុយក្រែនដើម្បីដណ្តើមយកមកវិញនូវទឹកដីដែលកាន់កាប់ដោយរុស្ស៊ី នៅភាគខាងកើត និងខាងត្បូង។ ប៉ុន្តែក្រុមមន្ត្រីអ៊ុយក្រែន បានបង្អាក់ការរំពឹងទុកជាសាធារណៈម្តងហើយម្តងទៀតជុំវិញប្រតិបត្តិការនេះ ដោយនិយាយថាវាអាចជួយសត្រូវឲ្យដឹងពីសកម្មភាពពួកគេបាន។
ក្រុមអាជ្ញាធរក្នុងរយៈពេលប៉ុន្មានថ្ងៃចុងក្រោយនេះ ក៏បានធ្វើការបង្ក្រាបលើពលរដ្ឋដែលចែករំលែករូបភាព ឬវីដេអូនៃប្រព័ន្ធការពារដែនអាកាស ដែលបាញ់ទម្លាក់មីស៊ីលរុស្ស៊ីផងដែរ។ ខ្សែវីដេអូដែលផលិតឡើងយ៉ាងសម្រិតសម្រាំង បង្ហាញពីទាហានជួរមុខដែលមានរបាំងមុខ និងប្រដាប់ដោយអាវុធ លើកម្រាមដៃរបស់ពួកគេទល់នឹងបបូរមាត់ធ្វើកាយវិការបង្ហាញភាពស្ងៀមស្ងាត់ ខណៈពេលមានសំឡេងកាំភ្លើងធំ និងការបាញ់កាំភ្លើងពីចម្ងាយ។
បណ្ដាសម្ព័ន្ធមិត្តលោកខាងលិចរបស់រដ្ឋធានី Kyiv ក្នុងរយៈពេលប៉ុន្មានខែថ្មីៗនេះ បានផ្តល់សព្វាវុធ រថពាសដែក និងគ្រាប់រំសេវជាច្រើនសម្រាប់ការវាយបក ដែលក្រុមអ្នកជំនាញយោធាបាននិយាយថា អាចបង្ហាញពីការលំបាកប្រឆាំងនឹងកងកម្លាំងរុស្ស៊ី៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
