បាល់ទាត់៖ លោក មាស ចាន់ណា គ្រូបង្វឹកក្រុមណាហ្គាវើលដ៏បានសម្ដែងនូវក្ដីរីករាយ និងស្វាគមន៍ចំពោះការត្រឡប់មកវិញនៃលីគកំពូលកម្ពុជានាចុងសប្ដាហ៍នេះ ទោះបីក្រុមខ្លួនរៀបចំមិនទាន់បានល្អប្រសើរនៅឡើយក៏ដោយ។
លោកឡើងថា ព័ត៌មានត្រឡប់មកវិញនៃលីគកំពូលកម្ពុជា គឺជាដំណឹងដ៏ល្អសម្រាប់ក្លិប និងកីឡាករទាំងអស់ដើម្បីពួកគេបានបន្ដការប្រកួត និងអភិវឌ្ឍសមត្ថភាព។ តែចំពោះក្រុមណាហ្គាវើលដ៏រយៈពេល ៣ថ្ងៃដំបូងនៃការប្រមូលផ្ដុំឡើងវិញនៅមិនទាន់រៀបចំបានល្អនទេ តែលោករំពឹងថា មុនការប្រកួតជាមួយសមាគមកីឡាបាល់ទាត់កងយោធពលខេមរភូមិន្ទ ក្រុមខ្លួននឹងធ្វើបានល្អត្រឡប់មកវិញ។
គួរដឹងថា មុនផ្អាកការប្រកួត និងប្រមូលផ្ដុំហ្វឹកហាត់មួយរយៈ ដោយសារការរីករាលដាលខ្លាំង នៃជំងឺកូវីដ-១៩ ណាហ្គាវើលដ៏បានឆ្លងកាត់ ៣ប្រកួតរួចមកហើយដោយឈ្នះ ២ និងចាញ់ ១ រកបាន ៦ពិន្ទុឈរលេខរៀងទី៦ បណ្ដោះអាសន្ន។ ចំណែកចុងសប្ដាហ៍នេះ ពួកគេនឹងត្រូវធ្វើការងារធ្ងន់ដោយត្រូវជួបក្រុមកងយោធពលខេមរភូមិន្ទ នាថ្ងៃទី១៥ ខែឧសភាក្នុងជំនួបបង្គ្រប់សប្ដាហ៍ទី២ នៅកីឡដ្ឋាន AEU Sport៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
