លោក Alessandro Biancardi គឺជាសមាជិកមួយរូបរបស់ក្រុមហ៊ុន Madcat Italia ដែលជាសាខាក្រុមហ៊ុនចាប់ត្រី D.A.M Germany ស្ទើតែមិនអាចជឿនឹង​ភ្នែករបស់លោកទាល់​តែ​សោះ​ ពេលដែលលោកចាប់បានត្រីអណ្តែងយក្សនៅក្នុងទឹកទន្លេវែងបំផុតរបស់អ៊ីតាលី។ 

ត្រីប្រវែង ២,៨៥ម៉ែត្រ ត្រូវបានចាប់ដោយលោក Biancardiក្រោយចំណាយពេលចាប់អសរយៈពេល ៤០នាទី ។ លោកនិយាយថា នេះគឺជាកំណត់ត្រាពិភពលោក ។ លោក​ពុំធ្លាប់ដែល​រំពឹង​​ទាល់តែសោះថានឹងអាចចាប់បានត្រីធំបែបនេះ ។    

ក្រោយថតរូប និងវ៉ាស់ប្រវែងរបស់វា ត្រីអណ្តែងយក្សមួយក្បាលនេះ ត្រូវបានព្រលែងឲ្យចូលក្នុងទន្លេវិញ ។ លោក Biancardi បាននិយាយនៅក្នុងវីដេអូថា ឥឡូវលោកព្រលែងត្រី​ដ៏ស្រស់​ស្អាតមួយក្បាលនេះ ឲ្យចូលក្នុងទន្លេវិញហើយ ៕