ភ្នំពេញ ៖ បន្ទាប់ពីការប្រកួតរបស់ក្រុមកីឡាករកីឡាការិនីប្រទេសចំនួន០៨ ក្នុងកីឡាអ៊ុកជនពិការ នៃព្រឹត្តិការណ៍កីឡា អាស៊ានប៉ារ៉ាហ្គេមលើកទី១២ លើវិញ្ញាសា Standard Chess ជុំទី៤ត្រូវបានបញ្ចប់នៅវេលាល្ងាចថ្ងៃទី០៦ ខែមិថុនា ឆ្នាំ២០២៣នេះរួចមក លទ្ធផលត្រូវបានបង្ហាញ ។

វិញ្ញាសា Pi ទាំងផ្នែកបុរស និងនារី គឺក្រុមកីឡាករ និងកីឡាការិនីហ្វីលីពីនជាអ្នកទទួលបានជ័យជំនះ ។ វិញ្ញាសាB1 ផ្នែកបុរស កីឡាករវៀតណាមជាអ្នកទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ទទួលជ័យជំនះ ។ វិញ្ញាសាB2B3 ផ្នែកបុរស កីឡាករហ្វីលីពីនទទួលជ័យជំនះ ។ វិញ្ញាសាដដែលផ្នែកនារី កីឡាការិនីឥណ្ឌូនេស៊ី ជាអ្នកទទួលបានជ័យជំនះ ។

ការប្រកួតលើវិញ្ញាសា Standard Chess នេះគឺមានវិញ្ញាសាចំនួន០៣តូចៗសម្រាប់ផ្នែកបុរស និងនារី នៅក្នុងហ្នឹងផង ដែរ ដោយរួមមាន ៖ វិញ្ញាសារ Pi ជាវិញ្ញាសារសម្រាប់ជនពិការធម្មតា , វិញ្ញាសារB1 ជាវិញ្ញាសារសម្រាប់ជន ពិការ​ភ្នែក ទាំងស្រុង និង វិញ្ញាសា B2B3 ជាវិញ្ញាសាសម្រាប់ជនដែលមានភ្នែកមើលមិនសូវច្បាស់ ឬហៅថា ភ្នៀលៗ និង ជនគរថ្លង់ជាដើម ។ ក្នុងនោះដែរកម្ពុជា គឺបានចូលរួមតែក្នុង១វិញ្ញាសាប៉ុណ្ណោះ គឺប្រកួតក្នុងវិញ្ញាសា Pi ផ្នែកបុរស ។

ប្រទេសទាំង០៨ ដែលចូលរួមក្នុងការប្រកួតកីឡាអ៊ុកជនពិការ នៅក្នុងកីឡាអាស៊ានប៉ារ៉ាហ្គេមលើកទី១២នេះ រួមមាន ៖ ប្រទេសកម្ពុជា , ឥណ្ឌូនេស៊ី , ថៃ , ម៉ាឡេស៊ី , ម៉ាយ៉ានម៉ា , ហ្វីលីពិន , ទីម័ន និងប្រទេស វៀតណាម ។ ដែលក្រុមកីឡាករ នៃប្រទេសទាំង០៨ ប្រកួតលើវិញ្ញាសា០៣ធំៗ មាន ៖ Rapid Chess ( ដែលមានថេរវេលា ២៥នាទី បន្ថែមថែម ១០វិនាទី ) , វិញ្ញាសារ Standard chess ( ដែលមានថេរះវេលា ៦០នាទី បន្ថែម១៥វិនាទី ) និងវិញ្ញាសាBlitz Chess ( ដែលមានថេរវេលា ៥នាទី បន្ថែម៣វិនាទី ) ៕ អត្ថបទ ៖ លីហេង