ប្រជាពលរដ្ឋរស់នៅឧបទ្វីបគ្រីម៉េ បានបង្ហាញក្តីកង្វល់របស់ពួកគេចំពោះការផ្គត់ផ្គង់ទឹកសម្រាប់ធ្វើកសិកម្ម ក្រោយបាក់ទំនប់ទឹក Kakhovka។ លោក Valery Kovalenko គឺជាកសិករមួយ​រូប​មក​​ពីតំបន់ Pervomaiske និយាយថា ឆ្នាំនេះ មានទឹកគ្រប់គ្រាន់។ អាងស្តុបទឹកទាំងអស់ បានពេញ ។ អ្នកផលិតកសិកម្មមួយចំនួន ជាពិសេសអ្នកធ្វើស្រែ ទំនងជារងផលប៉ះពាល់​ខ្លាំង​ជាង​គេ ប៉ុន្តែលោកមិនគិតថា ប្រជាពលរដ្ឋរងផលប៉ះពាល់នោះឡើយដោយសារតែបាក់ទំនប់នេះ ។ តាមធម្មតា ពួកយើងជួបឆ្នាំពិបាកជាងនេះទៅទៀត។ 

ដោយឡែក អ្នកស្រី Yelena Yasinskaya គឺជាអ្នកស្រុករស់នៅក្នុងតំបន់ Pervomaiskeនិយាយថា ជាការពិតណាស់ថា ដំណាំនឹងពិបាកលូតលាស់ ។ ត្រពាំងរបស់ពួកយើងនឹងរីងស្ងួត ។ វានឹងលែងមានទឹកនៅរដូវក្តៅ ហើយនៅក្នុងរដូវក្តៅឆ្នាំនេះ នឹងគ្មានអ្វីសម្រាប់ការស្រោចស្រពទៀតទេ។ 

ទោះបីជាយ៉ាងណាក៏ដោយ លោក Denis Prostovគឺជាពលរដ្ឋម្នាក់ទៀតរស់នៅក្នុងតបន់ Pervomaiskeនិយាយថា លោកមិនគិតថាមានអ្វីត្រូវព្រួយបារម្ភនោះទេ ។ ភ្លៀងមានច្រើនណាស់ ហើយនិងមានទឹកគ្រប់គ្រាន់សម្រាប់អ្នករាល់គ្នា ហើយប្រធានាធិបតីរបស់ពួកយើងលោក Vladimir Putin នឹងមិនបណ្តោយឲ្យពួកយើងធ្លាក់ក្នុងបញ្ហានោះទេ៕