វីដេអូរបស់សារព័ត៌មានរ៉យទ័រ ថតបាននៅពេលដំបូលផ្ទះមួយខ្នងត្រូវបានទឹកហូរនាំធ្លាក់ចូលក្នុងទឹកទន្លេ Dnipro របស់អ៊ុយក្រែនកាលពីថ្ងៃអង្គារ ខណៈទឹកជំនន់រាលដាល បានកើត​ឡើង​ភ្លាមៗបន្ទាប់ពីទំនប់ ទឹកNova Kakhovka បានបាក់។

កម្លាំងទឹកបានផ្ទុះហូរកាត់ទំនប់ដ៏ខ្លាំងលើដងទន្លេដែលបែងចែកកងកម្លាំងរុស្ស៊ីនិងអ៊ុយក្រែននៅប្រទេសអ៊ុយក្រែនភាគខាងត្បូងកាលពីថ្ងៃអង្គារ ដែលបានជន់លិចតំបន់ដ៏ធំនៃ​តំបន់​សង្គ្រាម និងកំពុងបង្ខំឲ្យអ្នកភូមិភៀសខ្លួនចេញដែលជំរុញឲ្យមានការចង្អុលបង្ហាញពីភាគីទាំងសងខាង។

ជាលទ្ធផល មនុស្សប្រមាណ ៤២.០០០នាក់ ស្ថិតក្នុងហានីភ័យពីការជនលិចនៅក្នុងតំបន់ដែលគ្រប់គ្រងដោយអ៊ុយក្រែន និងរុស្ស៊ី នៅតាមបណ្តោយទន្លេ Dnipro ខណៈប្រធានផ្តល់​ជំនួយ​​​​អង្គការសហប្រជាជាតិ បានព្រមានពីផលវិបាកដែលនឹងឈានដល់ និងមានសភាពធ្ងន់ធ្ងរ។

អ៊ុយក្រែនបាននិយាយថារុស្ស៊ី បានប្រព្រឹត្តឧក្រិដ្ឋកម្មសង្គ្រាមដោយចេតនា ក្នុងការទម្លាយទំនប់ទឹកសម័យសូវៀតដែលផ្តល់ថាមពលស្ថានីយវារីអគ្គិសនី។ ទន្ទឹមនឹងនេះ វិមានក្រឹម​ឡាំង​បានដាក់កំហុសលើអ៊ុយក្រែន ដោយនិយាយថា អ៊ុយក្រែនកំពុងព្យាយាមដើម្បីធ្វើឲ្យរំខានពីការចាប់ផ្តើមការវាយបកដ៏ធំ ដែលទីក្រុងមូស្គូនិយាយ​ថាជាការ​ពុំអាចទៅរួច។