នៅថ្ងៃពុធ (៧ មិថុនា)នេះ ប្រជាជនក្រុងប៉េកាំងជាច្រើននាក់នៅតែមានសភាពស្ងប់ស្ងាត់នៅក្នុងបញ្ហាកំដៅដ៏ក្តៅខ្លាំងទោះបីជាសីតុណ្ហភាពក្នុងរដ្ឋធានីរបស់ប្រទេសចិនមួយនេះឡើងដល់ ៣៧​អង្សាសេ (៩៨,៦ អង្សាហ្វារិនហៃ) ស្របពេលមានការជូនដំណឹងអំពីបញ្ហារលកកម្តៅក៏ដោយ។

មនុស្សរាប់សិបនាក់បានដើរតាមដងផ្លូវដោយមានទទូរឆ័ត្រ ខណៈអ្នកខ្លះស្លៀកពាក់យ៉ាងជិតពីក្បាលដល់ចុងជើង ដើម្បីការពារខ្លួនពីកម្ដៅព្រះអាទិត្យដ៏ក្ដៅនេះ។ ក្រុមអ្នកស្រុក​បាន​និយាយ​​ថា ពួកគេមានវិធីដើម្បីទប់ទល់នឹងកំដៅ ខណៈដែលពួកគេបន្តទម្លាប់រស់នៅប្រចាំថ្ងៃរបស់ខ្លួន រួមទាំងការប្រើប្រាស់ថ្នាំបុរាណចិន និងក្រមួនលាបស្បែកផងដែរ។

ស្ថានីយ​ឧតុនិយមទីក្រុងប៉េកាំងបាននិយាយថា រលកកម្ដៅនៅទីក្រុងប៉េកាំងនឹងមានការថយចុះរយៈពេលខ្លីនៅថ្ងៃព្រហស្បតិ៍ (៨ មិថុនា) ដោយស្ថានីយឧតុនិយមរំពឹងថា បាន​ស្ទង់​សីតុណ្ហភាព​នឹងធ្លាក់ចុះដល់សីតុណ្ហភាពចន្លោះពី ១៩-៣៤ អង្សាសេ (៦៦.២-៩៣.២ អង្សាហ្វារិនហៃ)៕