អ៊ុយក្រែន ៖ កងទ័ពវាយលុកអ៊ុយក្រែន បានសម្រុកចូលទីតាំងរបស់កងកម្លាំងរុស្ស៊ី នៅជិតទីក្រុង Bakhmut ដោយរូបភាពនេះ ត្រូវបានឃើញ នៅក្នុងខ្សែវីដេអូ ដែលបានចេញផ្សាយ កាលពីថ្ងៃអង្គារ (៦ មិថុនា) ដោយកង​ពលតូចវាយលុកទី៣។

សារព័ត៌មាន Reuters មិនអាចផ្ទៀងផ្ទាត់ដាច់ដោយឡែកនូវទីតាំងនៃវីដេអូ ឬពេលវេលានៃវីដេអូនោះត្រូវបានថត។ រូបភាពកាមេរ៉ាត្រឹមដងខ្លួន បានបង្ហាញពីប្រតិបត្តិការវាយប្រហារដោយយានយន្ត ដែលពាក់ព័ន្ធនឹងរថពាសដែក។

កងពលតូចវាយលុកទី៣ បានសរសេរនៅលើ Telegram ដែលជាបណ្ដាញសង្គម និងកម្មវិធីផ្ញើសារ ដែលពួកគេ បានផ្សព្វផ្សាយវីដេអូថា ពួកគេបានអនុវត្តការងារសម្របសម្រួលរបស់កងទ័ពព្យុះ M113 កាំភ្លើងត្បាល់ ៦០មីលីម៉ែត្រ រថក្រោះ និងការឈ្លបយកការណ៍ពីលើអាកាស ហើយជាលទ្ធផលគឺថា ពួកគេបានរុញច្រានរុស្ស៊ី​ឲ្យថយក្រោយ​មួយគីឡូម៉ែត្រ។

អនុរដ្ឋមន្ត្រីការពារជាតិអ៊ុយក្រែន លោក Hanna Maliar បាននិយាយ នៅថ្ងៃពុធ (ទី៧ ខែមិថុនា)នេះ ថា អ៊ុយក្រែន បានរុលទៅមុខចម្ងាយពី ២០០ ទៅ ១.១០០ម៉ែត្រ នៅលើផ្នែកខ្លះនៃសមរភូមិមុខ ជុំវិញទីក្រុង Bakhmut ភាគខាងកើត ដែលត្រូវបានបំផ្លិចបំផ្លាញ ក្នុងរយៈពេល ២៤ ម៉ោងចុងក្រោយនេះ៕