បាត់ដំបង ៖ កម្លាំងនគបាលការពារព្រំដែនគោកលេខ៨១៩ បាន​ចុះបង្ក្រាបបទល្មើស​​ប្រុងលួចនាំ​​ពលករ​ចំនួន ១៤នាក់​ ឆ្លងដែនខុសច្បាប់ ទៅប្រទេសថៃ ចំនួន២ករណី នៅចំណុចភូមិសាស្ត្រ​ស្រុកកំរៀង​ ខេត្តបាត់ដំបង ​បានឃាត់ខ្លួនមេខ្យល់ចំនួន ៣នាក់ ។

លោកវរសេនីយ៍ឯក ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៩ បានឲ្យដឹងថា ប្រតិបត្តិការ ​លួចនាំពលករឆ្លងដែនខុសច្បាប់នេះ ធ្វើឡើងនៅវេលាម៉ោងជាង១០ យប់ថ្ងៃទី១០ ខែឧសភា ឆ្នាំ២០២១ ។ លោកស្រី រស់ ជីវី ស្នងការរងនគបាលខេត្តបាត់ដំបង ទទួល​បន្ទុកការងារជួញដូរមនុស្ស បានឲ្យដឹងថា ​ក្រោយទប់ស្កាត់បាន ​កម្លាំងការពារព្រំដែន បាន​បញ្ជូន​មកកាន់ស្នងការនគបាលខេត្ត ​ដើម្បី​រៀបចំសំណុំរឿងបញ្ជូនទៅកាន់តុលាការ​ ចាត់ការតាមច្បាប់ ៕

អត្ថបទ ៖ សុខរិទ្ធ