បេសកកម្មប្រព័ន្ធព្រះអាទិត្យ ដែលបាននិងកំពុងខិតទៅជិតព្រះអាទិត្យក្នុងការស្រាយអាថ៌កំបាំងរបស់វា បានហោះទៅជិតផ្ទៃនៃដុំបាល់ឆេះមួយនេះដើម្បីធ្វើការរុករកដ៏សំខាន់មួយ។

ទិន្នន័យពីយានអវកាស Parker Solar Probe បានរកឃើញប្រភពនៃថាមពលពន្លឺព្រះអាទិត្យ និងលំហូរនៃភាគល្អិតថាមពលដែលហូរចេញពីមណ្ឌលកូរ៉ូណា ឬបរិយាកាសខាងក្រៅក្តៅរបស់ព្រះអាទិត្យឆ្ពោះទៅកាន់ផែនដី។

កត្តាជំរុញដ៏សំខាន់មួយនៅពីក្រោយបេសកកម្ម ដែលដាក់ឈ្មោះតាមរូបវិទូខាងតារាសាស្ត្រលោក Eugene Parker ហើយត្រូវបានបាញ់បង្ហោះក្នុងឆ្នាំ ២០១៨ នេះ គឺដើម្បីកំណត់ថាតើថាមពលពន្លឺមានលក្ខណៈដូចម្ដេច ខណៈដែលវាបង្កើតនៅជិតព្រះអាទិត្យ និងរបៀបដែលវាគេចចេញពីទំនាញរបស់ផ្កាយមួយនេះ។

នៅពេលដែលយានអវកាសចូលទៅក្នុងចម្ងាយប្រហែល ១៣ លានម៉ាយល៍ (២០,៩ លានគីឡូម៉ែត្រ) ពីព្រះអាទិត្យ ឧបករណ៍របស់វាបានរកឃើញរចនាសម្ព័ន្ធដ៏វិចិត្ររបស់ថាមពលពន្លឺព្រះអាទិត្យ ជាទីដែលវាបង្កើតខ្លួននៅជិតមណ្ឌលក្រហម ឬផ្ទៃព្រះអាទិត្យ ហើយបានចាប់យកព័ត៌មានលម្អិតដែលបាត់នៅពេលដែលខ្យល់បុកចេញពីមណ្ឌលកូរ៉ូណា។

យានអវកាសនេះត្រូវបានរចនាឡើងជាពិសេសដើម្បីហោះហើរក្នុងចម្ងាយ ៤ លានម៉ាយ (៦,៤ លានគីឡូម៉ែត្រ) ពីលើផ្ទៃព្រះអាទិត្យ ហើយនៅចុងឆ្នាំ ២០២១ យាននេះបានក្លាយទៅជាបេសកកម្មដំបូងដើម្បី "ទៅកាន់" ព្រះអាទិត្យ៕