ក្រុមអ្នកស្ម័គ្រចិត្ តនិងបុគ្គលិករដ្ឋាភិបាលរាប់រយនាក់ បានរើសកាកសំណល់នៅលើឆ្នេរនៃជ្រោយសមុទ្រនៅទីក្រុងម៉ានីលនៅថ្ងៃព្រហស្បតិ៍នេះ ដើម្បីប្រារព្ធទិវា​មហាសមុទ្រ​ពិភព​លោក។ នៅ​តាមបណ្តោយដងទន្លេ Pasing របស់ទីក្រុង ជាទន្លេមួយដែលមានការបំពុលខ្លាំងបំផុតរបស់ពិភពលោក បានរួមចំណែក ៦ភាគរយ នៃកង្វក់ផ្លាស្ទីក​នៅ​មហាសមុទ្រ​របស់​ពិភពលោក ដែលក្រុមន្ត្រីបាននិយាយថា មានបាវសំរាមចំនួន ២០០បាវ ត្រូវបានយកមកចាក់នៅក្នុងចន្លោះរយៈពេលត្រឹមតែ២ម៉ោង។

មន្ត្រី​ទទួលបន្ទុកគ្រប់គ្រងការិយាល័យព្រៃឈើ លោកស្រី Edna Nuestro បាននិយាយក្នុងអំឡុងពេលព្រឹត្តិការណ៍បោសសម្អាតថារដ្ឋាភិបាល ចាំបាច់ត្រូវដោះស្រាយចំនួន​នៃការបំពុល​ដ៏ធំ​ដោយ​បង្កើតគោលនយោបាយ និងបង្កើតកម្មវិធីខុសៗគ្នាដែលពួកគេអាចអនុវត្តនៅក្នុងសហគមន៍តំបន់ឆ្នេររបស់ពួកយើង។

យោងតាមក្រុមការពារបរិស្ថាន Greenpeace បានឲ្យដឹងថាការអនុវត្តន៍ច្បាប់ទន់​ខ្សោយលើការបោះចោលកាកសំណល់​ត្រឹមត្រូវគឺស្ថិតក្នុងចំណោមហេតុផលធំៗ​សម្រាប់បញ្ហា​បំពុល​បរិស្ថាន​​​នៅក្នុងប្រទេសហ្វីលីពីន។

ទិវាមហាសមុទ្រពិភពលោក ត្រូវបានប្រារព្ធឡើង នៅថ្ងៃទី៨ ខែមិថុនារៀងរាល់ឆ្នាំ ដើម្បីបង្កើនការយល់ដឹងពីសារៈសំខាន់នៃមហាសមុទ្រ និងផលប៉ះពាល់ នៃកម្មភាព​របស់​មនុស្ស​ដោយ​ផ្អែកលើពួកគេ។