យន្តហោះទម្លាក់គ្រាប់បែកយុទ្ធសាស្រ្តរបស់ចិន និងរុស្ស៊ី បានល្បាតដែនអាកាសរួមគ្នានៅលើសមុទ្រជប៉ុន និងសមុទ្រចិនខាងកើត ជាលើកទី ៦ ចាប់តាំងពីឆ្នាំ​២០១៩​។ ការ​ល្បាត​ដែន​អាកាស​រួមគ្នាដែលបានចាប់ផ្តើមមុនពេលរុស្ស៊ីបញ្ជូនទាហានរបស់ខ្លួនចូលទៅក្នុងប្រទេសអ៊ុយក្រែន ហើយទីក្រុងប៉េកាំង និងទីក្រុងម៉ូស្គូ ប្រកាសភាព​ជាដៃគូគ្មាន​ដែនកំណត់​របស់​ពួក​គេនេះ គឺជាលទ្ធផលមួយនៃការពង្រឹងទំនាក់ទំនងទ្វេភាគីដ៏យូរអង្វែង ដោយផ្អែកលើការយល់ឃើញដូចគ្នាលើការគំរាមកំហែងពីសហរដ្ឋអាមេរិក និងសម្ព័ន្ធយោធាដទៃទៀត។ 

ក្រសួងការពារជាតិចិន និយាយថា ការល្បាតដែនអាកាសនេះ គឺជាផ្នែកមួយនៃផែនការកិច្ចសហប្រតិបត្តិការប្រចាំឆ្នាំរបស់មហាអំណាចយោធាទាំង ២ ក្រោយពេលដែលយន្តហោះ​យោ​ធា ៤គ្រឿង របស់ចិន និងយន្តហោះយោធា ៤គ្រឿងរបស់រុស្ស៊ី ហោះចូលដែនការពារអាកាសរបស់ខ្លួន ស្ថិតនៅតំបន់ភាគខាងត្បូង និងភាគខាងកើតឧបទ្វីបកូរ៉េ ៕