ក្រុមនិស្សិតស្រីលង្កា នាំគ្នាដង្ហែក្បួននៅតំបន់ជាយរដ្ឋធានីកូឡុំបូ កាលពីថ្ងៃពុធ ដើម្បីទាមទារឲ្យដោះលែងក្រុមសមកម្មជននិស្សិត ដែលត្រូវបានចាប់ខ្លួនអំឡុងបាតុកម្មប្រឆាំងនឹងរដ្ឋាភិបាលកាលពីដើមខែនេះ និងការអំពាវនាវឲ្យរដ្ឋាភិបាលជួយការចំណាយថ្លៃរស់នៅប្រចាំថ្ងៃ ស្ថិតនៅក្នុងចំណោមការទាមទារជាច្រើនទៀតរបស់ពួកគេ ។
ក្រុមនគរបាលបង្ក្រាបកុបកម្ម បានឆ្លើយតបជាមួយនឹងការបាញ់កាណុងទឹក និងឧស្ម័នបង្ហូរទឹកភ្នែក ។
លោក Madushan Chandrajith គឺជាអ្នកតំណាងសហព័ន្ធនិស្សិតសាកលវិទ្យាល័យ បាននិយាយថា ការកាត់បន្ថយថវិកាសុខភាព និងអប់រំ ក្រោមរដ្ឋាភិបាលរបស់លោកប្រធានាធិបតី Ranil Wickremesinghe ធ្វើឲ្យប៉ះពាល់យ៉ាងខ្លាំងដល់និស្សិត ហើយពួកគេសូមអំពាវនាវឲ្យបង្កើនប្រាក់ឧបត្ថម្ភប្រចាំខែ ។
សូមបញ្ជាក់ថា ប្រទេសស្រីលង្កា ដែលទើបទទួលបានប្រាក់ជួយសង្គ្រោះ ២,៩ពាន់លានដុល្លារពីមូលនិធិរូបិយវត្ថុអន្តរជាតិ(IMF)នោះ កំពុងព្យាយាមងើបពីវិបត្តិហិរញ្ញវត្ថុដ៏អាក្រក់បំផុត ចាប់តាំងពីទទួលបានឯករាជ្យរបស់ខ្លួន កាលពីឆ្នាំ ១៩៤៨ ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
