បាល់ទាត់៖ សមាគមបាល់ទាត់ទ្វីបអឺរ៉ុប UEFA នឹងសំរេចចិត្តចុងក្រោយនៅថ្ងៃពុធស្អែកនេះថា តើត្រូវផ្លាស់ប្តូរទីតាំងប្រកួតវគ្គផ្តាច់ព្រ័ត្រ UEFA Champions League ពីទួរគីមកកាន់អង់គ្លេសវិញ រឺយ៉ាងណា។
UEFA នឹងជួបពិភាក្សារជាមួយរដ្ឋាភិបាលអង់គ្លេស រួមជាមួយសមាគមបាល់ទាត់ FA អង់គ្លេស មុននឹងសំរេចចិត្តជាចុងក្រោយនៅថ្ងៃពុធនេះ។ ក្រុមអង់គ្លេសទាំងពីរ Manchester City និង Chelsea នឹងត្រូវជួបគ្នានៅថ្ងៃទី២៩ ខែឧសភានេះ។ រដ្ឋាភិបាលអង់គ្លេសចុងសប្តាហ៍កន្លងទៅ បានទទូចអោយអ្នកគាំទ្ររបស់ខ្លួនកុំធ្វើដំណើរទៅទស្សនាដល់ទឹកដីទួរគី ដោយប្រទេសមួយនេះត្រូវអង់គ្លេសចាត់ទុកជាតំបន់ក្រហម ខណៈកំពុងស្ថិតក្នុងបិទខ្ទប់ដោយសារការផ្ទុះឡើង នៃការឆ្លងរាលដាលមេរោគ Covid-19 សារជាថ្មី។
UEFA បានសំរេចកន្លងមកពីការអនុញ្ញាតអោយអ្នកគាំទ្រក្រុមទាំងពីរម្ខាង ៤០០០នាក់ចូលរួមទស្សនាការប្រកួតវគ្គផ្តាច់ព្រ័ត្រនេះ តែអង់គ្លេសដែលទើបងើបផុតពីការបិទខ្ទប់នោះ មិនចង់អោយប្រជាជនធ្វើដំណើរទៅទឹកដីទួរគីទេ ខណៈរាល់ការធ្វើដំណើរត្រលប់មកវិញសុទ្ធតែត្រូវធ្វើចត្តាឡីស័ក ១៤ថ្ងៃ ហើយកីឡាករទៀតសោតក៏ត្រូវធ្វើយ៉ាងដូច្នោះដែរ ដែលការនេះនឹងធ្វើអោយប៉ះពាល់ដល់ការប្រមូលផ្តុំក្រុមជំរើសជាតិមុន Euro ២០២០ នៅដើមខែមិថុនាខាងមុខ៕
អត្ថបទ៖នាង សុភាវុធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
